Kas šaj te kaninav?

Sekova berš posebno trudinaja amen te kanina e manušen taro amaro podračje te oven zaedno amencar ki Spomen-svečenost. Bute dženen lendar na džanaja len. Ama isto agjaar, valjani te kanina okolen da so džanaja len. Pobari tani i verojatnost te avel nekoj ako dobinela pokana nekastar so pendžarela le (yb08-SB 12, pas. 1; 14, pas. 2). Kaste šaj te kanina?

• E familija

• E kolegen hem e součenikon

• E komšien

• E manušen so redovno posetinaja len, a isto okolen so proučinaja sine lencar poangle i Biblija ili so proučinaja akana

Osven adava, o starešine ka kaninen e phralen hem e phenjen soj neaktivna. Ama so ako tu mangea te kanine nekas so pendžarea le, a živinela ko javer than? Tegani, šaj te rode kote hem keda ka ikerel pe i Spomen-svečenost ko than kote so živinela agjaar so ka dža ki jw.org ko delo AMENGE, hem ka rode „Spomen-svečenost“. Džikote spreminea tut akava berš baši Spomen-svečenost, razmislin kole manušenge šaj te de i pokana, a palo adava dža lično kanin len.