Ker pošukar i služba — svedočibe preku kamera ili domofoni

SOSKE TANO VAŽNO: Adaleske so napredujngja i tehnologija hem so isi sa poviše kriminal, but manuša počmingje ko pumare khera te čhiven kamere hem domofonija. Šaj isi amen trema keda valjani te svedočina nekaske so šaj dikhela amen, a amen našti dikhaja le. O bukja so ka dikha len potele ka pomožinen amen te ovel amen pobari doverba ki amende keda svedočinaja preku kamera ili domofoni.

SAR TE KERA ADAVA:

• Ov pozitivno. But stanarija so isi len kamere ili domofonija tane spremna te keren amencar lafi.

• Ma bistre kaj nesave kamere počminena te sniminen tut panda angleder te zvonine, hem kaj o stanari šaj dikhela tut hem šunela tut angleder te ave dži ko udar.

• Keda o stanari ka odgovorinel tuke, ker lea lafi preku kamera ili domofoni sar te phene kerea lea lično lafi. Ov prirodno hem asa. Vaker leske o ista bukja so planiringjan te vakere leske keda bi phravela sine tuke o udar. Ako isi kamera, ma ava but paše uzi late. Ako o stanari nane khere, ma mukh leske glasovno poraka ako isi asavki opcija ko domofoni.

• Isto agjaar, ma bistre kaj otkeda ka završinen o razgovor, o stanari šaj panda te dikhel tut ili te šunel tut.