Ker pošukar i služba — svedočibe preku telefoni

SOSKE TANO VAŽNO AKAVA: O svedočibe preku telefoni tano važno način kolea so šaj temelno te svedočina bašo šukar haberi (De 20:24).a Akava pomožinela amenge te propovedina keda o okolnostija na dozvolinena amenge te ovel amen lično kontakt e manušencar.

SAR TE KERA ADAVA:

• 

  Spremin tut. Birin soodvetno tema. Palo adava pišin tuke kratko so mangea te vakere. Isto agjaar, ko slučaj ako dobinea sekretarka, šaj te spremine jekh kratko poraka kolaja so ka objasnine soske javinea tut. Ka ovel tuke korisno ako ko astali isi tut tle beleške hem o javera bukja so ka valjanen tuke, sar na primer jekh elektronsko ured kote soj phravdi i JW Li­brary^® ili jw.org^® .

• 

  Ov opuštimo. Ker prirodno lafi. Asa hem ponašin tut agjaar sar te phene o manuš dikhela tut. Izbegin nepotrebna pauze. Isto agjaar, ka ovel tuke korisno ako sorabotinea zaedno e javerencar. Ako o stanari pučela nešto, povtorin adava ko glaso te šaj tlo partneri te pomožinel tut te arakhe o odgovor.

• 

  Čhiv temeli baši povtorno poseta. Ako o manuš sikavela interes, šaj te mukhe pučibe bašo sledno puti keda ka javine tut leske. Isto agjaar, šaj te puče le dali mangela elektronski te bičhale leske nesavi publikacija, lično te ingare leske ili te bičhale leske ko nesavo javer način. Osven adava, šaj te nudine te bičhale leske preku poraka nesavo video ili statija. Keda ka ovel prilika, objasnin leske ko savo način šaj bizo pare te proučinel i Biblija ili sikav leske nešto tari amari internet-stranica.