Dali nekogaš ka avel krajo baši diskriminacija? — So vakerela i Biblija?

Bute manušenge te avel krajo baši diskriminacija tano sar jekh suno kova so na ispolningja pe.

• „Ko sekova delo taro sveto, o rasizam tano sar jekh otrov kova so kerela bari šteta ko organizacie, socijalna grupe hem ko sekojdnevno životo e manušengoro. O rasizam ponadari da kerela o manuša te ponašinen pe nepravedno jekh jekhea“ (Antonio Gutereš, Generalno sekretari taro Obedineta nacie).

Dali nekogaš ka avel krajo baši diskriminacija? So vakerela i Biblija?

Sar o Devel dikhela ko različna rase

I Biblija sikavela amen sar dikhela o Devel ko manuša taro različna rase.

• „[O Devel] taro jekh manuš stvoringja sa e narodon te šaj te živinen ki celo phuv“ (Dela na apostolite 17:26).

• „O Devel nane pristrasno, nego ov tari sekoja nacija prifatinela okole so darala lestar hem kerela adava soj pravedno“ (Dela na apostolite 10:34, 35).

Tari Biblija doznajnaja kaj sa o manuša tane delo tari jekh familija hem kaj o Devel prifatinela e manušen tari sekoja rasa.

Sar ka čhivel pe krajo baši diskriminacija

E Devleskoro Carstvo, jekh vlada soj ko nebo, ka čhivel krajo baši diskriminacija. Adaja vlada ka sikavel e manušen sar ispravno valjani te postapinen jekh jekhea. O manuša ka sikljoven sar te ciden pestar sekoja traga taro rasizam so šaj isi len.

• „Okola so živinena ki phuv ka sikljoven baši pravednost“ (Isaija 26:9).

• „Tari čačutni pravednost ka avel o mir, hem o plodi tari čačutni pravednost ka ovel o večno mir hem bezbednost“ (Isaija 32:17).

Avdive, milionja manuša sikljona tari Biblija sar te sikaven poštovanje e javerenge hem sar te ponašinen pe dostoinstveno lencar.

• Te šaj te doznajne poviše čitin o spisanie Razbudete se! e temaja „Ima li lek za predrasudite?“

• O roditelija šaj te čitinen i statija „Kako razgovarati s decom o rasnoj i etničkoj diskriminaciji“, te šaj te sikljoven te keren lafi pumare čhavencar baši akaja tema.