Koj tane e Devleskere protivnikija?

E Devleskoro najbaro protivniko tano o Satana, o Beng. Ov tano angeli kova so buningjape protiv o Jehova. O Satana panda protivinelape e Jehovaske hem kjerela bare problemija e manušenge. Ov tano but bilačho. Ov hovavela hem mudarela (Jovan 8:44).

Javerada angelija zaedno e Bengeja buningjepe protiv o Devel. I Biblija vikinela len demonija. Sar o Beng, o demonijada tane e manušengere protivnikija. Ola mangena te povredinen e manušen (Matej 9:32, 33; 12:22). O Jehova zasekogaš ka uništinel e Benge hem leskere demonen. Ačhilo len samo panda hari vakti te kjeren problemija e manušenge (Otkrovenie 12:12).

Ako mangea te ove e Devleja paše, na sminjea te kjere odova so o Beng mangela te kjere. O Beng hem o demonija mrzinena e Jehova. Ola tane e Devleskere protivnikija thaj mangena tuda te ove e Devleskoro protivniko. Mora te birine kaste ka šune — e Benge ili e Jehova. Ako mangeja večno te dživdine, mora te kjere o Devel so mangela. O Beng but mangela te hovavel e manušen hem uspejnela ko odova (Otkrovenie 12:9).