Okola so i paše e Devleja na kjerena lošnipe

O Satana mangela o manuša te kjeren lošno bukja. Manuš so mangela e Devle valjani te mrzinel okova so o Jehova mrzinela (Psalm 97:10). Okola so mangena te oven paše e Devleja navaljani te kjeren akala bukja:

Seksualna grevija. ,Ma kjer preljuba!‘ (2. Mojseeva 20:14). Isto agjaar, pogrešno tano te ovel nekas seks angleder te venčinenpe (1. Korinkjanite 6:18).

Matibe. ,Ni o pijanice . . . nae te oven ko e Devleskoro thagaripe‘ (1. Korinkjanite 6:10).

Mudaribe, abortus. ,Ma mudar!‘ (2. Mojseeva 20:13).

Čoribe. ,Ma čor!‘ (2. Mojseeva 20:15).

Hovajbe. O Jehova mrzinela ,hovavni čhib‘ (Izreki 6:17).

Nasilstvo hem bari holi. ,[O Jehova] but mrzinela okolen so mangena o nasilstvo‘ (Psalm 11:5). I bari holi tani panda jek buti so sikavenala o grešna manuša (Galatite 5:19, 20).

Komari. ,Ma družinen tumen sekasaja . . . kova so nae zadovolno odolea so isile — kova tano alčno parenge‘ (1. Korinkjanite 5:11).

Rasno omraza. ,Mangen tumare dušmanen . . . molinen tumen o lenge‘ (Matej 5:43, 44).

O bukja so o Devel vakjerelalen amenge tane bašo amaro šukaripe. Te cidetu taro lošna bukja nae sakova puti lokhe. O Jehova hem leskere Svedokija, šaj te pomožinen tuke te cidetu taro lošna bukja, a te kjere odova so mangela o Devel (Isaija 48:17; Filipjanite 4:13; Evreite 10:24, 25).