Sikav interes

So kergja o Isus?

VIDEOKLIPI: O Isus hem i džuvli ko bunari

1. Dikh o VIDEOKLIPI ili čitin Jovan 4:6-9. Palo adava razmislin bašo akala pučiba:

1. a) So primetingja o Isus angleder te počminel te kerel lafi e džuvljaja?

2. b) O Isus vakergja: „De man te pijav“. Soske akava sine šukar način te počminel o razgovor?

So sikljovaja taro Isus?

2. Ako počminaja te kera lafi baši tema so interesinela e manuše, najverojatno ka ovel amen šukar razgovor.

Dža palo e Isuseskoro primer

3. Ov prilagodlivo. Nane pravilo kaj mora te počmine razgovor e temaja kolake so tu sian spremno. Počmin nesave temaja baši koja so o javera razmislinena ko momenti. Puč tut:

1. a) Soj aktuelno ko vestija?

2. b) Bašo so kerena lafi mle komšie, mle kolege ili o čhave ki škola?

4. Primetin šukar. Puč tut:

1. a) So kerela o manuš ko momenti? Bašo so šaj razmislinela?

2. b) Sar šaj o šeja, o izgled ili o bukja so isi ko kher te pomožinen mange te doznajnav ko so verujnela ili kotar tano?

3. v) Dali akana tano šukar momenti te kerav lea lafi?

5. Šun.

1. a) Ma ker but lafi.

2. b) Pottiknin e manuše te vakerel plo mislenje. Keda tano soodvetno, puč le nešto.