Ov prirodno

So kergja o Filip?

VIDEOKLIPI: O Filip propovedinela e etiopsko službenikoske

1. Dikh o VIDEOKLIPI ili čitin Apostolija 8:30, 31. Palo adava razmislin bašo akala pučiba:

1. a) Sar o Filip počmingja o razgovor?

2. b) Soske akava sine prirodno način te počminel razgovor hem te sikavel le nešto nevo?

So sikljovaja taro Filip?

2. Ako mukhaja o razgovor te ovel prirodno, najverojatno o manuš ka ovel poopuštimo hem ka mangel te šunel amen.

Dža palo e Filipeskoro primer

3. Primetin šukar. Šaj but te doznajne bašo manuš taro adava save gestija hem face kerela. Dali dikhjola kaj o manuš mangela te kerel tuja lafi? Šaj te počmine te kere lea lafi bašo nesavo biblisko čačipe agjaar so ka puče le: „Dali džanljan kaj...?“ Ako nekoj na mangela te kerel tuja lafi, ma čhiv le silaja.

4. Ov strplivo. Ma mislin kaj valjani odma te vakere nešto tari Biblija. Adžiker o pravo momenti te šaj o razgovor te ovel prirodno. Ponekogaš, šaj ka valjani te adžikere javer prilika te šaj te kere lea lafi baši Biblija.

5. Ov prilagodlivo. O manuš šaj ka vakerel nešto so na adžikergjan. Adaleske, vaker nešto so le ka interesinel, čak ako tu mangljan te kere lafi bašo nešto javer.