Dali o Armagedon ka počminel ko Izrael? — So vakerela i Biblija?

I Biblija opišinela o Armagedon sar vojna maškar sa o manušikane vlade hem o Devel, a na sar vojna samo ko jekh odredeno regioni.

• „Adala tane lafija so avena taro demonija... [ola] džana ko carija taro celo sveto te kheden len baši vojna so ka ovel ko baro dive e Semokjno Devleskoro... Hem khedingje len ko than kova so ko hebrejski vikinela pe Armagedon“ (Otkrovenie 16:14, 16).

O lafi „Armagedon“ avela taro hebrejsko lafi Har Meghid·dohnʹ so značinela „planina ko Megido“. O Megido sine diz ko purano Izrael. Adaleske, nesave manuša mislinena kaj i vojna Armagedon ka vodinel pe ko Izrael. Ama ni o Megido ni nesavo javer than ko Blizok Istok nane dovolno baro te šaj te khedel sa e caren taro celo sveto hem lengiri vojska.

O lil Otkrovenie sine pišimo „ko znakija“, ili javere lafencar ki simbolično čhib (Otkrovenie 1:1). Ko akava lil, keda kerela pe lafi bašo Armagedon na mislinela pe bašo nesavo doslovno than, nego baši situacija kote so sa o nacie taro celo sveto ka kheden pe zaedno posledno puti te oven protiv o Devel (Otkrovenie 19:11-16, 19-21).