Сар о хохавне религиес циден е манушен таро Дел

Щом о Дел си любов, соске о религиес, колато пхенен, кай си таро Дел, керен зомкха бут кханиле букя? Соскето калка религиес си хохавне. Он сикавен е манушен хохавне букя е Девлеске тай керен ов те дикхьол кханило. Сар о хохавне религиес циден е манушен таро Дел? Сар чувствинел пес о Дел далкхестар тай со ка керел?

1. Сар о хохавне религиес циден е манушен таро Дел е букиенца, колато сикавен?

О хохавне религиес избиринде те верувинен тай те сикавен околен-да хохавне букиенде, а ма и истина е Девлеске. (Римляни 1:25) Например по-бут таро религиес на сикавен е народос, кай е Девлескоро алав си Йехова. Ама тари Библия ахальовас, кай требе те използвинас е Девлескоро алав. (Римляни 10:13, 14) Кана ачшол кханилипе, десаве пасторя тай поповя пхенен, кай сайка сине е Девлескери воля. Ама кавка си хохайбе. О Дел нисар на керел кханилипе. (Четине Яков 1:13.) Холяке си, кай о хохавне букя таро религиес, пречинен е народоске те дехен е Девлес.

2. Сар о хохавне религиес циден е манушен таро Дел е букиенца, колато керен?

О хохавне религиес на икерен пес е манушенца, сарто мангел о Йехова. И Библия пхенел, кай ленгере безеха ресле „чак жи ко небес“. (Откровение 18:5) Бут бреша о религиес дикхен те ехминен пес (да се бъркат) анди политика, подкрепинен о войни тай мударен или домукен те овен мударде бут мануша. Десаве пасторя тай поповя си бут барвале, соскето манген парес таро мануша, колато авен ленгере кхангериенде. Калке букиенца, колато керен, он сикавен, кай на пенжарен е Девлес. Аке соске нанай лен право те хоратинен лестар. (Четине 1 Йоан 4:8.)

3. Со мислинел о Дел е хохавне религиенге?

Ако ту нерверинес тут, като дикхес со керен о хохавне религиес, сар мислинес, кай чувствинел пес о Йехова? Ов дехел е манушен, ама нерверинел пес таро пасторя тай таро поповя, соскето он хоратинен хохавне букя за леске тай дукхавен е манушен, колато жан ко кхангеря. Ов обещинел, кай о хохавне религиес ка овен унищожиме тай „нанай те аракхльон вече“. (Откровение 18:21) Сиго о Дел ка махнинел саворе хохавне религиес. (Откровение 18:8)

РОДЕ ПО-ХОРЕСТЕ

4. О Дел на приеминел саворе религиес

Верно ли си, кай о религиес си сар различна дрома, ама саворе ингален жи ко Дел, сарто верувинен бут мануша? Четинен Матей 7:13, 14 тай хоратинен калке въпросиеске:

• Со пхенел и Библия е дромеске, ковато ингалел жи ко вечно животос?

Дикхен о КЛИПИ тай хоратинен калке въпросиеске:

КЛИПИ: Приеминел ли о Дел саворе религиес? (част таро клипи) (3:22)

• Сикавел ли и Библия, кай иси бут религиес, колато си угодна е Девлеске?

5. О хохавне религиес на сикавен е Девлескери любов

О религиес керен о Дел те дикхьол кханило буте букиенца, колато керен. Йекх лендар, ковато си бут кханило, си кай участвинен андо войни. Дикхен о КЛИПИ, ковато сикавел со керде о кхангеря, кана ачшили йекх бари война, тай хоратинен калке въпросиенге:

КЛИПИ: Со керде о кхангеря презал и Второ световно война (2:22)

• Со керде бут таро кхангеря презал и Второ световно война?

• Со мислинес ту е букиенге, колато керде?

Четинен Йоан 13:34, 35 тай 17:16. После хоратинен калке въпросиенге:

• Сар мислинес, кай чувствинел пес о Йехова, кана о религиес участвинен андо войни?

• О хохавне религиес си виновна буте кханиле букиенге. Саве букя дикхес, кай керен о религиес, коленца на сикавен е Девлескери любов?

6. О Дел мангел те помагинел е манушенге те икльовен таро хохавне религиес

Четинен Откровение 18:4a тай хоратинен калке въпросиеске:

• Сар чувствинес тут, като жанес, кай о Дел мангел те помагинел е манушенге, колен хохавен о религиес?

7. Продължине те сикльовес е истинсконе Девлеске

Требе ли ашал е кханиле букиенге, колато пхенен тай керен о хохавне религиес, те мислинес кханиле букя е Девлеске? Представине туке, кай йекх чшаво на мангел те шунел пе дадес, ковато дел лес годи лескере лачшипнаске. О чшаво икльол пумендар тай керел бут кханиле букя. Е дадеске на харешинен о букя, колато керел лескоро чшаво. Соске нанай честно те мислинас, кай о дад си виновно, кай лескоро непослушно чшаво избирингяс савка животос?

• Честно ли си те мислинас, кай о Йехова си виновно е букиенге, колато керен о хохавне религиес, тай те спиринас те сикльовас леске?

СО СИКЛИЛЯМ

О хохавне религиес циден е манушен таро Дел, е хохавне букиенца, колато сикавен е манушен тай е кханиле букиенца, колато керен. О Дел ка унищожинел саворе хохавне религиес.

О най-важна букя таро уроки

• Со мислинес е хохавне религиенге, като дикхес со керен тай со сикавен е манушен?

• Со мислинел о Йехова е хохавне религиенге?

• Со ка керел о Дел е хохавне религиенца?

АХАЛЬОВ ПО-БУТ

Ахальов кола си дуй букя, коленца о хохавне религиес дукхавен е Девлес.

Има ли значение от коя религия си? Всички религии ли водят до Бога? (статия на jw.org)

Соске о Йехова мангел те кидас амен околенца, за те служинас леске?

Необходимо ли е да принадлежиш към някаква религия? (статия на jw.org)

Йекх попос дикхелас кханиле букя пе кхангеряте, ама на спирингяс те мангел те ахальовел и истина е Девлеске.

Защо един свещеник напуснал църквата („Пробудете се!“ февруари 2015)

Бут бреша о религиес шунярен хохавне букя, колато траден е манушен те верувинен, кай о Дел на мислинел аменге тай си бут кханило. Дикх трин калке букиендар тай ахальов и истина ленге.

Лъжи, които отблъскват хората от Бога („Стражева кула“ 1 ноември 2013)