Готово ли синян те покръстинес тут?

Вече ахалилян бут букя е Йеховаске таро библейско изучаване. Сигурно променингян десаве букя, за те керес со сиклилян. Ама може би иси още букя, колато пречинен туке те дес то животос е Йеховаске тай те покръстинес тут. Калке урокиесте ка дикхас саве букя ащи те пречинен туке те покръстинес тут тай сар те справинес тут ленца.

1. Кизом букя требе те жанес, англал те покръстинес тут?

За те покръстинес тут, требе те „ахальовес бут лачшес и истина“. (1 Тимотей 2:4) Давкха на означинел, кай англал те покръстинес тут, требе те жанес всичко тари Библия. Даже о християня, колато си покръстиме бут бреша, продължинен те сикльовен е Йеховаске. (Колосяни 1:9, 10) Ама требе те ахальовес о най-важна букя, колато сикавел и Библия, например кова си о Йехова, кова си о Исусес тай со си е Девлескоро Царство. О старейшиня ка помагинен туке те дикхес дали ахальовес шукар калка букя.

2. Саве букя требе те керес, англал те покръстинес тут?

Англал те покръстинес тут, требе те „разкаинес тут тай те иринес тут“. (Четине Деяния 3:19.) Демек требе те овес пишмани е кханиле букиенге, колато кергян преди, тай те молинес е Йеховас те простинел туке. Също требе те отчшиес о букя, колато си кханиле е Девлеске андо якха, тай те мангес те живинес, сарто о Дел мангел. Требе те авес ко събрания-да тай те проповединес е пхраленца тай е пхениенца, като ачшовес непокръстено вестители.

3. Соске на требе те дарас те покръстинес тут?

Десаве мануша даран, кай нанай те ащи те керен со обещинде англал о Йехова. Верно си, кай подекхана ка керес грешкес. Даже верна мануша, коленге пишинел анди Библия, също грешиненас. Ама о Йехова на мангел амендар те овас съвършена. (Четине Псалм 103:13, 14.) Ов си доволно, кана дес всичко тутар, за те керес лескери воля тай ка помагинел туке! О Йехова пхенел аменге, кай нищо нанай те спиринел лес те дехел амен. (Четине Римляни 8:38, 39.)

РОДЕ ПО-ХОРЕСТЕ

4. Пенжар е Йеховас по-лачшес

Кизом лачшес требе те пенжарес е Йеховас, англал те покръстинес тут? Требе те пенжарес лес зомкха лачшес, кай те дехес лес тай те мангес те керес лескери воля. Дикхен о КЛИПИ, ковато сикавел сар мануша таро цело светос, колато изучинен и Библия, керде калка букя. После хоратинен калке въпросиеске:

КЛИПИ: О дром кариг о покръстване (3:56)

• Со помагингяс е манушенге таро клипи те овен готова те покръстинен пес?

Четинен Римляни 12:2 тай хоратинен калке въпросиенге:

• Чудинес ли тут дали о букя, колато сикавел и Библия, си истина? Чудинес ли тут дали е Йеховаскере Свидетеля сикавен и истина?

• Ако чудинес тут калке букиенге, со ащи те керес?

5. Ма мук нищо те спиринел тут те покръстинес тут

Кана решинас те дас амаро животос е Йеховаске тай те покръстинас амен, саворен амен иси изпитания. Саве ащи те овен калка изпитания? Дикхен о КЛИПИ тай хоратинен калке въпросиенге:

КЛИПИ: И любов кариг о Йехова помагинел туке те накхавес всичко (5:22)

• Со пречинелас е пхеняке таро клипи те служинел е Йеховаске?

• Сар и любов кариг о Йехова помагингяс лаке?

Четинен Притчи 29:25 тай 2 Тимотей 1:7 тай хоратинен калке въпросиеске:

• Со ка дел амен смелост, за те на мукас нищо те спиринел амен те покръстинас амен?

6. Ов сигурно, кай о Йехова ка помагинел туке

О Йехова ка помагинел туке те керес лескери воля. Дикхен о КЛИПИ тай хоратинен калке въпросиенге:

КЛИПИ: О Йехова нанай те мукел тут (2:50)

• Соске йекх мануш, ковато изучинелас и Библия, даралас те покръстинел пес?

• Со помагингяс леске те барярел пи вяра, кай о Йехова ка помагинел леске?

Четинен Исаия 41:10, 13 тай хоратинен калке въпросиеске:

• Соске ащи те овес сигурно, кай ка керес со обещингян е Йеховаске, кана динян то животос леске?

7. Ов бут благодарно, кай о Йехова дехел тут

Кана мислинес кизом бут дехел тут о Йехова, ка овес са по-благодарно леске тай са по-бут ка мангес те служинес леске завинаги. Четинен Псалм 40:5 тай хоратинен калке въпросиеске:

• Саве букиенге, колато кергяс о Йехова за туке, синян най-благодарно?

О пророки Йеремия дехелас е Йеховас тай лескоро слово тай сине благодарно, кай ащи те овел е Йеховаскоро служители. Ов пхенгяс: „То слово ангяс манге радост тай пхергяс мо воги, соскето пхенав ман тере алавеса, Йехова, Девла.“ (Йеремия 15:16) Отговорине калке въпросиенге:

• Соске си бари чест те овес йекх таре Йеховаскере Свидетеля?

• Мангес ли те покръстинес тут тай те ачшовес е Йеховаскоро Свидетели?

• Иси ли десаве букя, колато пречинен туке те покръстинес тут?

• Со мислинес, кай требе те керес, за те ащи те покръстинес тут?

СО СИКЛИЛЯМ

О Йехова ащи те помагинел туке те покръстинес тут со-да те пречинел туке.

О най-важна букя таро уроки

• Кизом букя тари Библия требе те жанес, англал те покръстинес тут?

• Саве букя требе те променинес, англал те покръстинес тут?

• Соске на требе те мукес нищо те спиринел тут те покръстинес тут?

АХАЛЬОВ ПО-БУТ

Дикх соске требе те мангес те покръстинес тут.

Готов ли си да се покръстиш? („Стражева кула“ март 2020)

Ахальов со ащи те керес, ако иси десаве букя, колато пречинен туке те покръстинес тут.

Какво ми пречи да се покръстя? („Стражева кула“ март 2019)

Дикх со пречинелас йекхе манушеске тай со кергяс, за те ащи те покръстинел пес.

Защо отлагаш да се покръстиш? (1:10)

Дикх со традингяс йекхе манушес те покръстинел пес, въпреки кай отначало на мангелас.

Заслужавам ли го наистина? (7:21)