ЗАПОЧНИНЕ РАЗГОВОРИ
6 УРОКИ
Ов смело
Со пхенел и Библия: „Амаро Дел диняс амен смелост, за те пхенас туменге и лачши новина.“ (1 Сол. 2:2)
Со кергяс о Исусес
1. Дикх о КЛИПИ или четине Лука 19:1-7. После мислине калке въпросиенге:
а) Соске десаве мануша нашенас таро Закхей?
б) Ама соске о Исусес пхенгяс леске и лачши новина?
Со сикльовас таро Исусес?
2. Требел аменге смелост, за те проповединас и лачши новина е Царствоске саворенге, без те керас разлика машкар о мануша.
Ов сар о Исусес
3. Мук тут е Йеховаске андо васта. Е Девлескоро духос диняс е Исусес силес те проповединел тай ащи те помагинел туке-да. (Мат. 10:19, 20; Лука 4:18) Молине е Йеховас те дел тут смелост, за те проповединес е манушенге, колендар дарас. (Деян. 4:29)
4. Ма кер разлика машкар о мануша. Ащи те притеснинас амен те хоратинас десаве манушенца, соскето дикхьон различна околендар, соскето си чоре или бут барвале, ашал далкхеске сар живинен или ашал о букя, коленде верувинен. Ама ма бистер, кай:
а) О Йехова тай о Исусес ащи те дикхен со иси е манушеске андо воги, а аме нащи.
б) О Йехова ащи те помагинел секоне йекхе манушеске.
5. Ов смело, ама също пазине тут тай сикав уважение. (Мат. 10:16) Дикх те на споринес. Ако о мануш на мангел те шунел и лачши новина или ако дикхьол туке, кай ащи те керел туке кханилипе, дикх, без те холянкярес лес, те спиринес те хоратинес леса. (Пр. 17:14)