Ов лачшо

Со кергяс о Исусес

КЛИПИ: О Исусес саскярел йекхе коре манушес

1. Дикх о КЛИПИ или четине Йоан 9:1-7. После мислине калке въпросиенге:

1. а) Со кергяс о Исусес първо: саскяргяс е коре манушес или пхенгяс леске и лачши новина? (Дикх Йоан 9:35-38.)

2. б) Според туте соске о мануш сине готово те шунел е Исусес?

Со сикльовас таро Исусес?

2. О мануш ащи те мангел те шунел амен, ако усетинел, кай мислинас лескере лачшипнаске.

Ов сар о Исусес

3. Тхов тут е манушеске ко тхан. Дикх те представинес туке сар чувствинел пес ов.

1. а) Пуч тут: „Саве букиенге ащи те хал холи? Со ащи те овел шукар за леске те жанел тай со ащи те ресел жи лескере сърцесте?“ Като мислинес калке букиенге, ка овел туке по-лесно те овес лачшо е манушенца тай те на керес лес зорле.

2. б) Като шунес е манушес, ка сикавес, кай мангес те жанес со си леске важно. Ако о мануш пхенел туке пе холя или пхенел со мислинел десаве букиенге, ма сменине и тема.

4. Хоратине лачшипнаса тай сикав уважение. О мануш ка дикхел, дали ахальовес сар чувствинел пес тай дали вогиестар мангес те помагинес леске, далкхестар сар хоратинес леса. Мислине со тай сар ка хоратинес тай дикх те на пхенес букя, колато ащи те дукхавен лес.

5. Ов готово те помагинес. Дикх кана ка овел шукар те помагинес е манушеске тай саве букя ащи те керес за леске. Кана синям лачше е манушенца, он ащи те манген те хоратинен аменца.