ЗАПОЧНИНЕ РАЗГОВОРИ
1 УРОКИ
Мислине е манушенге
Со пхенел и Библия: „И любов ... на дикхел песке.” (1 Кор. 13:4, 5)
Со кергяс о Исусес
1. Дикх о КЛИПИ или четине Йоан 4:6-9. После мислине калке въпросиенге:
а) Со дикхляс те ахальовел о Исусес, англал те хоратинел е ромняса?
б) О Исусес пхенгяс: „Де ман те пияв.“ Соске давкха помагингяс леске те започнинел разговори е ромняса?
Со сикльовас таро Исусес?
2. Ащи те овел амен по-шукар разговори е манушеса, ако отначало хоратинас букиенге, колато си леске интересна.
Ов сар о Исусес
3. Ов готово те променинес и тема, колаке хоратинес. Ма мислине, кай требе винаги те започнинес о разговори е темаса, колаке ту подготвисайлян. Започнине разговори, като хоратинес букиенге, коленге о народос мислинен андо моменти. Пуч тут:
а) Саве букиенге хоратинел пес ко новини?
б) За соске хоратинен ме комшидес, ме колегя или ме съученикя?
4. Ов путерде якхенгоро. Пуч тут:
а) Со керел о мануш акана? За соске ащи те мислинел?
б) Като дикхав сар си урявдо о мануш или саво си лескоро кхер, со ахальовав далкхеске состе верувинел или саве народостар си?
в) Акана ли си най-лачшес те хоратинав калке манушеса?
5. Шун е манушес.
а) Ма хоратине бут.
б) Помагине е манушеске те чувствинел пес спокойно те пхенел со мислинел. Например кана ащи, пуч лес нещо, за те ахальовел, кай шунес лес.