ПРОДЪЛЖИНЕ ТЕ ЖАС ПАШ О МАНУША
7 УРОКИ
Продължине те помагинес е манушенге
Со пхенел и Библия: „[Он] на спиринде ... те сикавен е манушен тай те шунярен и лачши новина.“ (Деян. 5:42)
Со кергяс о Павлес
1. Дикх о КЛИПИ или четине Деяния 19:8-10. После мислине калке въпросиенге:
а) Сар о Павлес продължингяс те помагинел е манушенге, колато мангенас те жанен по-бут, вместо те откажинел пес, соскето десаве на мангенас те шунен лес?
б) Кизом често о Павлес жалас паш о мануша, колато мангенас те жанен по-бут, за те сикавел лен, тай кизом време продължингяс те помагинел ленге?
Со сикльовас таро Павлес?
2. Требе те отделинас време тай те дас всичко амендар, за те сикавас е манушен шукар, кана жас пак паш ленде, тай за те започнинас библейска изучавания.
Ов сар о Павлес
3. Ов готово те жас паш о мануш, кана си леске удобно. Пуч тут: „Кана тай кате ка овел леске най-удобно те хоратинас?“ Ов готово те жас паш лесте, кана ов мангел, даже ако нанай туке удобно.
4. Пуч е манушес кана ащи те хоратинен пак. Кана свършинен о разговори, дикх те разберинес тут е манушеса кана ащи пак те хоратинен. Де всичко тутар, за те овес на време отхе, кате пхенгьен, кай ка дикхен тумен.
5. Ма откажине тут таро мануш. Ма мислине, кай щом нащи те аракхес е манушес кхере или щом ов често си заето, значи на мангел те жанел со пхенел и Библия. (1 Кор. 13:4, 7) Продължине те родес е манушес, ама дикх също те на губинес то време. (1 Кор. 9:26)