Сар мангел о Дел те служинас леске?

Сарто дикхлям ко 13 уроки, о Дел на приеминел саворе религиес. Ама ащи те служинас амаре Създателеске, сарто ов мангел, тай те анас леске радост. Сар мангел о Дел те служинас, демек те поклонинас аменa леске? (Яков 1:27) Дикх со сикавел и Библия.

1. Катар ащи те ахальовас сар мангел о Дел те служинас леске?

И Библия сикавел аменге сар мангел о Дел те служинас леске. О Исусес пхенгяс е Девлеске: „Торо слово си истина.“ (Йоан 17:17) Десаве религиес на интересувинен пес сави си и истина таре Девлескоро Слово, и Библия. Вместо и истина тари Библия, он сикавен манушикане учения тай традициес. Ама е Йеховаске на харешинел, кай о мануша „на шунен е Девлескере заповегя“. (Четине Марко 7:9.) Авере ригатар, аме анас леске радост, кана керас со пхенел и Библия тай шунас лескере съвекя.

2. Сар требе те служинас е Девлеске?

Аме служинас само е Йеховаске, соскето ов кергяс амен. (Откровение 4:11) Требе те дехас лес тай те поклонинас амен само леске, без те използвинас иконес или те молинас амен ленге. (Четине Исаия 42:8.)

Амаро поклонение требе те овел „свято, угодно“ е Йеховаске, аке соске требе те шунас лескере законя. (Римляни 12:1) Например о мануша, колато дехен е Йеховас, дехен тай спазвинен лескере законя е прандемнаске. Он също отчшиен о кханиле навикя, например на пушинен, на дрогиринен пес тай на макярен пес.b

3. Соске требе те поклонинас амен е Йеховаске амаре пхраленца тай пхениенца?

Ko събрания, колато иси амен секо курко, ащи те „хвалинас е Йеховас лачше амаленца“. (Псалм 111:1, 2) Например хвалинас е Девлес гиленца. (Четине Псалм 104:33.) О Йехова мангел те жас ко събрания, соскето дехел амен тай жанел, кай он ка помагинен аменге те живинас вечно. Кана кидас амен околенца, насърчинас йекх аверес.

РОДЕ ПО-ХОРЕСТЕ

4. На требе те използвинас иконес, кана поклонинас амен е Девлеске

КЛИПИ: Мангел ли о Дел те използвинас иконес, кана поклонинас амен леске? (3:26)

• Со ачшило, кана десаве таре Девлескере служителя ко пуране диеса използвинде йекх идоли, за те поклонинен пес е Девлеске?

Десаве мануша мислинен, кай ка овен по-паше жи ко Дел, ако използвинен иконес, кана поклонинен пес леске. Ама кана керен салка букя, ов цидел пес лендар. Четинен Изход 20:4-6 тай Псалм 106:35, 36 тай хоратинен калке въпросиенге:

• Саве букя дикхлян, кай използвинен о мануша, отхе кате бешес, за те молинен пес е Девлеске?

• Со мислинел о Дел, ако мануш използвинел иконес?

• Со мислинес ту?

5. Ако поклонинас амен само е Йеховаске, ка овас освободиме таро хохавне учения

КЛИПИ: И истина освободингяс ман (5:16)

Четинен Псалм 91:14 тай хоратинен калке въпросиеске:

• Ако сикавас, кай дехас е Йеховас, като поклонинас амен само леске, со обещинел ов те керел аменге?

6. Поклонинас амен е Девлеске ко събрания

Хвалинас е Йеховас тай насърчинас йекх аверес, като гилябас е Девлеске тай като дас отговоря ко събрания. Четинен Псалм 22:22 тай хоратинен калке въпросиенге:

• Харешинел ли туке те шунес околенгере отговоря ко събрания?

• Мангес ли те подготвинес тут, за те ащи ту-да те дес отговори?

7. Анас радост е Йеховаске, кана пхенас околенге со сикльовас

Саворе ащи те пхенас околенге со сикльовас тари Библия. Четинен Псалм 9:1 тай 34:1 тай хоратинен калке въпросиеске:

• Со таро букя, колато сиклилян тари Библия, мангес те пхенес околенге?

СО СИКЛИЛЯМ

Анас радост амаре Създателеске, кана служинас само леске, кана хвалинас лес ко събрания тай кана пхенас околенге со сикльовас.

О най-важна букя таро уроки

• Катар ащи те ахальовас сар мангел о Дел те служинас леске?

• Соске требе те поклонинас амен само е Йеховаске?

• Соске требе те поклонинас амен е Девлеске заедно е манушенца, колато манген те анен леске радост?

АХАЛЬОВ ПО-БУТ

Анди статия „Вече не робувам на идолите“ четине сар йекх ромни спирингяс те поклонинел пес идоленге.

„Библията променя живота на хората“ („Стражева кула“ 1 юли 2011)

Ахальов со ка помагинел туке те дес отговоря ко събрания.

Възхвалявай Йехова в сбора („Стражева кула“ януари 2019)

Дикх сар о събрания помагинде йекхе терне мрушеске, нищо кай сине леске трудно те жал ленде.

Йехова се погрижи за мене (3:07)

Бут мануша мислинен, кай о християня требе те използвинен кръстос. Ама требе ли те изпозвинас лес, за те поклонинас амен е Девлеске?

Защо Свидетелите на Йехова не почитат кръста? (статия на jw.org)