Катар ало о животос?

„О животос авел [таро Дел].“ (Псалм 36:9) Верувинес ли, кай о Дел кергяс о животос? Десаве мануша пхенен, кай никхой на кергяс о животос тай о животос започнингяс коркоро пестар. Ако кавка си верно, тогава аме живинас само соскето ачшило нещо случайно. Ама ако о Йехова кергяс о животос, ащи те пучас амен соске кергяс лес.a Дикх катар ало о животос според и Библия тай соске ащи те верувинас, кай о букя, колато си пишиме лате, си верна.

1. Кой кергяс о небес тай и пхув?

И Библия пхенел: „Отначало о Дел кергяс о небес тай и пхув.“ (Битие 1:1) По-бут таро учена също пхенен, кай о небес тай и пхув на сине винаги, а иси лен начало. Сар кергяс лен о Дел? Ов кергяс и цело Вселена тай всичко со си лате — о галактикес, о черхеня тай о планетес, пе силаса, демек пе святоне духоса. (Битие 1:2)

2. Соске о Дел кергяс и пхув?

О Йехова „на кергяс [и Пхув] напразно, ама кергяс ла, за те бешен о мануша лате“. (Исаия 45:18) Ов кергяс ла, за те овел амен йекх шукар кхер, колесте те живинас вечно. (Четине Исаия 40:28 тай 42:5.) О учена пхенен, кай нанай авер планета сар и Пхув. Само лате иси всичко со требел е манушенге, за те ащи те живинен.

3. Сави си и разлика машкар о животна тай о мануша?

О Йехова кергяс първо и Пхув, а после о животос лате. Ов кергяс лате те овен растения тай животна. После „о Дел кергяс е манушес те препел упрал лесте“ (да прилича на него). (Четине Битие 1:27.) Соске о мануша си различна саворе авере букиендар, колато кергяс о Дел? Щом синям керде те препас упрал о Дел, аме-да ащи те сикавас любов тай справедливост сар лесте. Ов кергяс амен те ащи те сикльовас неве чшиба, те харешинен аменге о шукар букя тай и музика те анел аменге радост. Авер разлика си, кай аме ащи те служинас амаре Създателеске, а о животна нащи.

РОДЕ ПО-ХОРЕСТЕ

Дикх саве доказателства иси, кай о животос сине кердо, тай соске ащи те верувинас, кай и Библия пхенел и истина, далкхеске сар о Дел кергяс всичко. Ахальов со сикльовас е Девлеске таро лачше букя, колато иси андо мануша.

4. О животос сине кердо

О мануша керен десаве букя, като копиринен тари природа тай о народос хвалинен лен калке букиенге. Ама каске требе те дел пес слава е букиенге, колато иси анди природа? Дикхен о КЛИПИ тай хоратинен калке въпросиеске:

КЛИПИ: Те верувинас ко Дел (2:43)

• Саве си десаве букя, колато о мануша копиринде тари природа?

Секо йекх кхер си кердо декхастар. Ама кой кергяс всичко со иси анди природа? Четинен Евреи 3:4 тай хоратинен калке въпросиенге:

• Саве букя, колато кергяс о Йехова, харешинен туке?

• Ащи ли те верувинас, кай и Вселена тай саворе букя лате сине керде? Соске?

Жанес ли?

Ащи те аракхес статиес тай клиповя, калке въпросиеске ко jw.org андо статиес „Случайност или замисъл?“ тай „Възгледи за произхода на живота“.

„Секо кхер си кердо декхастар, а кавка, ковато кергяс всичко, си о Дел“

5. Ащи те верувинас, кай и Библия пхенел и истина далкхеске сар о Дел кергяс всичко

КЛИПИ: Дали декхой кергяс и Вселена? (част таро клипи) (3:51)

• Сикавел ли и Библия, кай е Девлеске требенас шов диеса, за те керел и Пхув тай о животос лате?

• Мислинес ли, кай и Библия пхенел и истина далкхеске сар о Дел кергяс всичко? Соске?

Четинен Битие 1:1 тай хоратинен калке въпросиеске:

• О учена пхенен, кай о небес тай и пхув на сине винаги, а иси лен начало. Сави прилика иси машкар о букя,колато мислиен он тай о букя, колато акана четингян тари Библия?

Десаве мануша пучен пес дали о Дел използвингяс и еволюция, за те керел о животос, демек, дали о Дел кергяс само йекх нещо тай после лестар ачшиле саворе букя. Четинен Битие 1:21, 25, 27 тай хоратинен калке въпросиенге:

• Сикавел ли и Библия, кай о Дел кергяс само йекх нещо тай после лестар ачшиле о мачше, о животна тай о мануша? Или о Дел кергяс саворе „видовя“b растения тай животна?

6. Таро букя, колато кергяс о Дел, нанай авер сар о мануша

О Йехова на кергяс амен те овас сар о животна. Четинен Битие 1:26 тай хоратинен калке въпросиеске:

• Аме синям керде те препас упрал о Дел. Со ахальовас леске, щом аме ащи те сикавас любов тай те жалинас околен?

СО СИКЛИЛЯМ

О Йехова кергяс о небес тай и пхув, тай о животос лате.

О най-важна букя таро уроки

• Катар але о небес тай и пхув според и Библия?

• Дали о Дел кергяс само йекх нещо тай после лестар ачшиле саворе видовя растения тай животна или ов кергяс саворе букя?

• Соске ащи те пхенас, кай таро букя, колато кергяс о Дел, нанай авер сар о мануша?

АХАЛЬОВ ПО-БУТ

Дикх десаве букя тари природа, колато сикавен, кай иси Създатели.

Какво научаваме от природата? („Пробудете се!“ септември 2006)

Дикх сар йекх дад или йекх дай ащи те сикавел пе цикне чшавеске катар ало о животос според и Библия.

Йехова е създал всичко (2:37)

Ахальов дали ащи те овел верно хем и еволюция, хем кавка со сикавел и Библия.

Чрез еволюция ли Бог създал различните форми на живот? (статия на jw.org)

Ахальов дали о букя таро пуране диеса, колато аракхле анди пхув о учена, тай о експерименкя, колато керде, сикавен, кай о животос ачшило случайно или кай декхой кергяс лес.

Произходът на живота — пет въпроса, които трябва да си зададем (брошура)