Соске те дес то животос е Девлеске тай те покръстинес тут?

Дес то животос е Йеховаске, като йекхе молитвате дес совел, кай ка служинес само леске тай кай ов ка овел ко първо тхан тере животосте. (Псалм 40:8) После ащи те покръстинес тут. О покръстване сикавел околенге, кай динян то животос е Девлеске. Те дес то животос е Йеховаске си о най-важно решение, ковато ка лес. Со ащи те традел тут те лес кавка важно решение, ковато ка променинел то животос?

1. Со традел йекхе манушес те дел по животос е Девлеске?

Аме мангас те дас амаро животос е Йеховаске, соскето дехас лес. (1 Йоан 4:10, 19) И Библия пхенел аменге: „Дехе тере Девлес, е Йеховас, те целоне сърцеса, те целоне вогиеса, те целоне гогяса тай те целоне силаса.“ (Марко 12:30) Аме сикавас, кай дехас е Девлес ма само амаре думенца, ама е букиенца-да, колато керас. Йекх ром тай йекх ромни пранденен, соскето бут дехен йекх аверес. Аме-да дас амаро животос е Йеховаске тай покръстинас амен, соскето бут дехас лес.

2. Саве благословиес ка дел тут о Йехова, ако покръстинес тут?

Кана покръстинес тут, е Йеховаскоро щастливо семейство ка ачшовел торо-да семейство. Тогава ка дикхес сар о Йехова сикавел пи любов кариг туте още по-бут тай ка ачшовес още по-лачшо амал леса. (Четине Малахия 3:16-18.) О Йехова ка ачшол то Дад тай ка овел тут бут пхрала тай пхеня тари цело пхув, колато дехен лес тай дехен тут-да. (Четине Марко 10:29, 30.) Ама требе те керес десаве букя англал те покръстинес тут. Требе те сикльовес е Йеховаске, те дехес лес тай те верувинес лескере Чшесте. Тогава вече ащи те дес то животос е Йеховаске. Ако керес калка букя тай покръстинес тут, тогава ка пхирес ко дром, ковато ингалел жи ко вечно животос. Е Девлескоро Слово пхенел: „О покръстване... спасинел тумен-да.“ (1 Петър 3:21)

РОДЕ ПО-ХОРЕСТЕ

3. Секо йекх амендар требе те решинел каске ка служинел

Ко пуране диеса десаве таро израилтяня мислиненас, кай ащи те служинен хем е Йеховаске, хем е хохавне девлеске Ваал. Ама о Йехова бичшалгяс е пророкиес Илия те пхенел ленге, кай на приеминел салка букя. Четинен 3 Царе 18:21 тай хоратинен калке въпросиеске:

• Саво решение требелас те лен о израилтяня?

Аме-да сар о израилтяня, требе те решинас каске ка служинас. Четинен Лука 16:13 тай хоратинен калке въпросиенге:

• Соске нащи те поклонинас амен хем е Йеховаске, хем декхаске авереске или даже авере букиенге?

• Сар сикавас е Йеховаске, кай решингям те служинас само леске?

4. Мислине кизом бут дехел тут о Йехова

О Йехова диняс амен бут баре подаръкя. Со ащи те дас лес аме? Дикхен о КЛИПИ.

КЛИПИ: Со ащи те дас е Девлес (3:04)

Сар о Йехова сикавгяс пи любов кариг туте? Четинен Псалм 104:14, 15 тай 1 Йоан 4:9, 10 тай хоратинен калке въпросиенге:

• Саве букиенге, колато диняс тут о Йехова, синян най-благодарно?

• Сар чувствинес тут, като мислинес саве шукар букя диняс тут о Йехова?

Кана ден амен десаво подаръки, ковато бут харешинел аменге, мангас те сикавас, кай синям благодарна е манушеске, ковато диняс амен о подаръки. Четинен Второзаконие 16:17 тай хоратинен калке въпросиеске:

• Кана мислинес кизом бут букя кергяс о Йехова за туке, со мангес ту те керес за леске?

5. Ако дес то животос е Йеховаске, ка овен тут баре благословиес

КЛИПИ: Мо животос сине о мачи (5:45)

• Въпреки кай о мануш таро клипи бут дехелас те кхелел мачи, соске решингяс вече те на овел футболисти?

• Ов решингяс те дел по животос е Йеховаске, а ма е мачиеске. Мислинес ли, кай лескоро решение сине шукар? Соске?

Англал те ачшол християни, о апостол Павел мангелас те овел лес шукар бути. Ов сикльовелас о юдейско закони паш йекхе известноне учителесте. Ама за те ачшол християни, ов мукляс саворе калка букя. Дали о Павел ачшило пишмани? Четинен Филипяни 3:8 тай хоратинен калке въпросиенге:

• Соске о Павел пхенгяс, кай о букя, колато керелас англал те ачшол християни, сине сар боклуки?

• Сар благословингяс лес о Йехова?

• Кана мислинес, кай ка овес по-щастливо: ако служинес е Йеховаске или ако то животос жал авере букиенге?

СО СИКЛИЛЯМ

Аме дехас е Йеховас, аке соске мангас те дас амаро животос леске тай те покръстинас амен.

О най-важна букя таро уроки

• Соске о Йехова заслужинел те дехас лес тай те служинас леске са вогиестар?

• Сар ка благословинел тут о Йехова, ако покръстинес тут?

• Мангес ли те дес то животос е Йеховаске?

АХАЛЬОВ ПО-БУТ

Дикх соске йекх певица тай йекх спортисти решинде те ден по животос е Йеховаске.

Въпроси на младите хора — как ще използвам своя живот? Поглед към миналото (6:54)

Дикх саве авер букя ащи те траден тут те мангес те дес то животос е Йеховаске.

Защо трябва да се отдадеш на Йехова? („Стражева кула“ 15 януари 2010)

Дикх андо клипи сави радост иси калкен, колато ден по животос е Йеховаске.

На теб ще се отдам (4:30)

Андо разкази „Години наред се питах ‘Защо сме тук?’“ четине соске йекх жувли започнингяс те мислинел со си най-важно лакере животосте.

Библията променя живота на хората („Стражева кула“ 1 ноември 2012)