38 УРОКИ
О животос си подаръки, колеске требе те овас благодарна
О животос си шукар. Даже кана иси амен проблемя, пак иси букя, колато анен аменге радост. Сар ащи те сикавас, кай ценинас о животос? Тай соске требе те овас благодарна е Йеховаске, кай диняс амен о животос?
1. Соске требе те ценинас о животос?
Требе те ценинас о животос, соскето ов си подаръки таро Йехова, амаро Дад, ковато бут дехел амен. И Библия пхенел, кай „лестар авел о животос“, соскето ов кергяс всичко со си живдо. (Псалм 36:9) „Ов дел саворе манушен животос, въздухи тай всичко.“ (Деяния 17:25, 28) О Йехова дел амен всичко со требел аменге, за те живинас. Ама ов на мангел просто те живинас, а те овел амен шукар животос. (Четине Деяния 14:17.)
2. Сар ащи те сикавас е Йеховаске, кай ценинас о животос?
О Йехова дехел тут още отсарто ти дай кхамнили туса. Йекхе молитвате о Давид пхенгяс: „Те якха дикхле ман още кана синьомас ме даяке андо воги.“ (Псалм 139:16) Е Йеховаске то животос си бут ценно. (Четине Матей 10:29-31.) Лес бут дукхал, кана дикхел мануш те мударел пес или те мударел авере манушесa. (Изход 20:13) Е Йеховас ка дукхал също, ако керас букя, колендар ащи те мерас, или ако на керас со требе, за те пазинас околенгоро животос. Кана пазинас амаро животос тай околенгоро животос, аме сикавас, кай бут ценинас кавка баро подаръки.
РОДЕ ПО-ХОРЕСТЕ
Дикх сар ащи те сикавес, кай ценинес о животос.
3. Пазине то састипе
Кана диням амаро животос е Йеховаске, диням совел, кай винаги ка керас со ов мангел. Все едно диням амаре теловя сар жертва е Девлеске. Аке соске требе те дикхас амаро састипе. Четинен Римляни 12:1, 2 тай хоратинен калке въпросиенге:
Со требе те традел тут те пазинес то састипе?
Саве букя ащи те керес, за те пазинес то састипе?
4. Пазине торо тай околенгеро животос
И Библия пхенел аменге те на керас букя, колато си опасна амаре животоске или околенгере животоске. Дикхен о КЛИПИ, ковато сикавел сар ащи те пазинас амаро животос.
Четинен Притчи 22:3 тай хоратинен сар ащи те овас внимателна...
кана синям кхере.
кана синям букяте.
кана спортувинас.
кана традас лека кола или кана возинас амен.
5. Пазине е чшавес, ковато още на бияндило
О Давид пхенгяс, кай о Йехова внимателно дикхел сар йекх чшаво барьол пе даяке андо воги. Четинен Псалм 139:13-17 тай хоратинен калке въпросиеске:
Според о Йехова, кана започнинел е манушескоро животос: кана и жувли кхамньол или кана о бебес биянгьовел?
О закони, ковато о Йехова диняс е израилтяниен андо пуране диеса, пазинелас е дайен тай ленгере чшавен, колато още на бияндиле. Четинен Изход 21:22, 23 тай хоратинен калке въпросиенге:
Со мислинелас о Йехова, ако мануш без те мангел мударелас чшавес, ковато още на бияндило?
Сар ка чувствинелас пес о Йехова, ако декхой керелас лес нарочно?b
Со мислинес ту е закониеске, ковато диняс о Йехова?
Даже жувли, която ценинел о животос, ащи те мислинел, кай най-лачшес си те махнинел е бебес. Четинен Исаия 41:10 тай хоратинен калке въпросиенге:
Ако декхой традел йекхе ромня те керел аборти, кастар ащи ой те родел помощ? Соске?
ДЕСАВЕ МАНУША ПХЕНЕН: „Ако йекхе ромня вече иси бут чшаве, нанай безех те керел аборти.“
Соске верувинес, кай е Йеховаске си ценно о животос хем е даякоро, хем е чшавескоро, ковато още на бияндило?
СО СИКЛИЛЯМ
И Библия пхенел, кай о животос си подаръки таро Йехова, тай сикавел амен сар те дехас, те ценинас тай те пазинас амаро тай околенгоро-да животос.
О най-важна букя таро уроки
Соске е манушенгоро животос си ценно е Йеховаске?
Сар чувствинел пес о Йехова, кана мануш мударел пес или мударел авере манушес?
Благодарно ли синян, кай о Дел диняс тут животос? Соске?
АХАЛЬОВ ПО-БУТ
Сар ащи те благодаринас е Йеховаске, кай синям живде?
Ахальов о отговори калке въпросиеске: Ка простинел ли о Дел йекхе жувляке, която кергяс аборти?
Ахальов саве развлечения требе те избиринес туке, като жанес, кай о животос си ценно е Йеховаске.
Екстремните спортове — дали ще поемеш този риск? („Пробудете се!“ 8 януари 2001)
Сар и Библия ащи те помагинел манушеске, ковато мангел те мударел пес?
Искам да умра. Може ли Библията да ми помогне, когато мисля за самоубийство? (статия на jw.org)
a Е Йеховас бут дукхал е манушенге, коленге си пхаро. (Псалм 34:18) Ов ахальовел кизом мъчинен пес о мануша, колато манген те мударен пес, тай мангел те помагинел ленге, за те на керен лес. За те ахальовес сар ов ащи те помагинел калке манушенге вече те на мислинен салке букиенге, четине и статия „Искам да умра. Може ли Библията да ми помогне, когато мисля за самоубийство?“, която си андо блокчес „Ахальов по-бут“ калке урокиесте.
b Калка, колато керде аборти, на требе зомкха бут те хан холи, соскето о Йехова ащи те простинел ленге. За те ахальовес по-бут, дикх и статия „Какво казва Библията за аборта?“, която си андо блокчес „Ахальов по-бут“ калке урокиесте.