Сар и Библия ащи те керел то животос по-шукар?

Саворе мангас те жанас соске о животос си зомкха пхаро, соске мерас тай со ка ачшол андо бъдеще. Също хас холи сар те икалас йекх парчес маро или сар те овел амен щастливо семейство. Бут мануша ахалиле, кай и Библия ма само дел отговоря е важноне въпросиенге е животоске, а също помагинел аменге те овел амен шукар животос авдиес. И Библия ащи те овел полезно саворенге.

1. Саве въпросиенге отговоринел и Библия?

И Библия отговоринел калке важноне въпросиенге: Катар авас? Соске живинас? Соске е лачше манушен иси бут дукха? Со ачшол, кана мануш мерел? Щом саворе мангас те овел мири, соске ачшон зомкха бут войни? Со ка ачшол е Пхувяса андо бъдеще? Тари Библия ахальовас, кай си шукар те родас о отговоря калке въпросиенге тай бут мануша ачшиле бут доволна, кана ахалиле лен.

2. Сар и Библия ащи те помагинел аменге амаре животосте?

И Библия дел амен шукар съвекя. Например латар ахальовас сар о семейства ащи те овен щастлива, со те керас, кана иси амен холя, тай сар те керас бути вогиестар. Ка ахальовес со сикавел и Библия калке тай буте авере въпросиенге, бискай изучинас заедно кавка лил. Дано ту-да те ахальовес, кай „о цело Писание [всичко анди Библия] си ... полезно“. (2 Тимотей 3:16)

РОДЕ ПО-ХОРЕСТЕ

Дикх сар и Библия помагинел буте манушенге, сар ащи те овел туке шукар, кана четинес ла, тай соске ка овел лачшес декхой те помагинел туке те ахальовес ла.

3. И Библия ащи те сикавел аменге о дром

И Библия си сар силно светлина. Ой ащи те помагинел аменге те лас шукар решения тай те сикавел аменге со ка ачшол андо бъдеще.

Четинен Псалм 119:105 тай хоратинен калке въпросиенге:

• Со мислинелас е Библияке о мануш, ковато пишингяс кавка псалми?

• Со мислинес ту е Библияке?

4. И Библия отговоринел амаре въпросиенге

КЛИПИ: Нисар ма откажине тут! (1:48)

• Со пучелас пес и жувли таро клипи?

• Сар помагингяс лаке о библейско изучаване?

Тари Библия ахальовас, кай си шукар те пучас. Четинен Матей 7:7 тай хоратинен калке въпросиеске:

• Саве въпрося иси тут, коленге мангес те отговоринел и Библия?

5. Ащи те овел туке шукар, кана четинес и Библия

КЛИПИ: Те четинас и Библия (2:05)

• Со мислинен о терне андо клипи е четимнаске?

• Соске харешинел ленге те четинен и Библия, въпреки кай на харешинел ленге те четинен авер букя?

И Библия пхенел, кай о букя, колато сикльовас латар ащи те ден амен надежда тай утеха. Четинен Римляни 15:4 тай хоратинен калке въпросиеске:

• Мангес ли те ахальовес сави надежда тай сави утеха обещинел те дел амен и Библия?

6. Декхой ащи те помагинел туке те ахальовес и Библия

Бут мануша дикхле, кай ащи те ахальовен по-шукар и Библия, кана изучинен ла декхаса, вместо само те четинен ла коркоре. Четинен Деяния 8:26-31 тай хоратинен калке въпросиеске:

• Сар ащи те ахальовас и Библия? (Дикх о стиховя 30 тай 31.)

СО СИКЛИЛЯМ

Анди Библия иси съвекя амаре животоске тай отговоря е важноне въпросиенге. Също и Библия дел е манушен утеха тай надежда.

О най-важна букя таро уроки

• Саве съвекя иси анди Библия?

• Саве въпросиенге отговоринел и Библия?

• Со мангес те сикльовес тари Библия?

АХАЛЬОВ ПО-БУТ

Анди Библия иси съвекя, колато си полезна аменге авдиес.

Непреходната мъдрост на Библията („Стражева кула“ бр. 1, 2018)

Дикх сар и Библия помагингяс йекхе манушеске, ковато отцикнярла на сине лачшес емоционално.

Така започна моят нов щастлив живот (2:53)

Дикх саве шукар съвекя е семействоске иси анди Библия.

12 тайни за успех в семейството („Пробудете се“ бр. 2, 2018)

Ахальов сар и Библия помагинел буте манушенге те на хохавгьовен, а те ахальовен кой наистина управлинел о светос.

Соске те сикльовес и Библия? (дълго клипи) (3:14)