02 УРОКИ
И Библия дел амен надежда
Буте манушен андо светос иси проблемя, ашал коленге си тъжна, хан холи тай даже дукхал лен. Дали торо-да животос си савка? Например ащи те овел туке пхаро, соскето синян насвало или соскето декхой, колес дехес, муло. Ащи те пучес тут: „Ка опринел ли пес мо животос декхана?“ И Библия отговоринел калке въпросиеске тай ка локьол туке, кана ахальовес о отговори.
1. Сави надежда дел амен и Библия?
Тари Библия ахальовас соске иси амен зомкха бут проблемя. Също лате иси и лачши новина, кай сиго о Дел ка махнинел саворе проблемя. О обещания тари Библия ка ден тут „бъдеще тай надежда“. (Четине Йеремия 29:11, 12.) Калка обещания помагинен аменге те издържинас амаре проблемя тай те овел амен радост авдиес, а също те овел амен шукар животос завинаги.
2. Саво пхенел и Библия, кай ка овел о животос андо бъдеще?
И Библия пхенел, кай андо бъдеще „нанай те овел мериба, нито жалеене, ройба или дукх“. (Четине Откровение 21:4.) Вече нанай те овен о проблемя, колато мъчинен е манушен авдиес, сарто например о чорипе, и несправедливост, о насвалипе тай о мериба. И Библия обещинел, кай о мануша ка живинен вечно андо рай ки пхув.
3. Сар ащи те овес сигурно, кай о букя, колато обещинел и Библия, ка ачшон?
Бут мануша жарен те ачшон шукар букя, въпреки кай нанай сар те овен сигурна, кай ка ачшон. Ама ащи те овас сигурна, кай всичко со обещинел и Библия ка ачшол. Амаро доверие лате ка барьол, ако „изучинас шукар о Писание“. (Деяния 17:11) Кана изучинес и Библия, ка ащи те решинес дали те верувинес, кай о букя, колато пхенел ой, ка ачшон андо бъдеще.
РОДЕ ПО-ХОРЕСТЕ
Дикх саво пхенел и Библия, кай ка овел о животос андо бъдеще тай сар и надежда, която дел ой, помагинел е манушенге авдиес.
4. И Библия дел амен надежда те живинас вечно би дукхенгоро
Дикх калка обещания, колато дел амен и Библия. Кола лендар харешинен туке най-бут? Соске?
Четинен о стиховя жи ко обещания тай хоратинен калке въпросиенге:
Мислинес ли, кай калка стиховя ден амен надежда? Ащи ли те ден надежда те енданиен тай те амален?
Представине туке те живинес йекхе светосте, кате
НАНАЙ ТЕ ОВЕН КАЛКА КХАНИЛЕ БУКЯ: |
КА ОВЕН КАЛКА ШУКАР БУКЯ: |
|---|---|
|
|
|
|
|
|
|
|
|
|
5. О обещания тари Библия ащи те променинен то животос
Бут мануша хан холи тай даже нерверинен пес, кана дикхен о проблемя андо светос. Десаве мануша ден всичко пестар те променинен о букя. Дикх сар о обещание тари Библия, кай всичко ка оправинел пес, помагинел е манушенге авдиес. Дикхен о КЛИПИ тай хоратинен калке въпросиенге:
Сави несправедливост делас холи е Рафика?
Сар и Библия помагингяс лаке, нищо кай и несправедливост, която дикхелас, на спирингяс?
О букя, колато сикавел и Библия, кай ка ачшон андо бъдеще, ащи те помагинен аменге те на хас холи по-бут тай те овел амен радост, нищо кай иси амен проблемя. Четинен Притчи 17:22 тай Римляни 12:12 тай хоратинен калке въпросиенге:
Мислинес ли, кай и надежда, която дел амен и Библия, ащи те керел то животос по-шукар? Соске?
ДЕСАВЕ МАНУША ПХЕНЕН: „О обещания тари Библия си зомкха шукар, кай нащи верувинав, кай наистина ка ачшон.“
Соске си важно те родес по-хоресте, за те ахальовес дали всичко со обещинел и Библия ка ачшол?
СО СИКЛИЛЯМ
Анди Библия иси бут обещания, колато ден амен надежда, кай ка овел амен шукар бъдеще. Он керен амаро животос авдиес-да по-шукар.
О най-важна букя таро уроки
Соске о мануша требе те жанен саве си е Девлескере обещания?
Со сикавел и Библия, кай ка ачшол андо бъдеще?
Сар о обещания тари Библия ащи те помагинен туке авдиес?
АХАЛЬОВ ПО-БУТ
Ахальов сар и надежда ащи те помагинел туке, кана си туке пхаро.
Къде можеш да намериш надежда? („Пробудете се!“ 8 август 2004)
Дикх сар о обещания тари Библия ащи те помагинен е манушенге, колен иси насвалипе, колеске нанай лекос.
Може ли Библията да помогне на страдащите от хронично заболяване? (статия ко jw.org)
Кана дикхес кавка музикално видеоклипи, представине туке сар ту тай то семейство живинен шукар андо рай, ковато обещинел аменге и Библия.
Четине сар йекх мануш, ковато жалас стачкенде, за те променинел о светос, променисайло, кана ахалило сави надежда дел амен и Библия.
„Вече не се боря да променя света“ („Стражева кула“ 1 юли 2013)