So mislineja andi Biblija?

SO PHENELA I BIBLIJA

„Celo Lil avela ando Devel“ (2. Timoteju 3:16, prevod Novi svet)

SO ODOVA TUĆE ZNAČINI

Ka arakhe o odgovorija ko but važna pućiba (Poslovice 2:1-5)

Ka arakhe šukar savetija aso to životi (Psalam 119:105)

Ka dikhe so isi nada asi šuži budućnost (Rimljanima 15:4)

DA LI ŠAJ ĆAĆE TE VERUJINE KO ODOVA SO PHENELA I BIBLIJA?

Ja, ando najhari trin razlogija:

• Celo Biblija vaćeri andi jekh tema. I Biblija hine pisimi ko period ando 1 600 berš, a pisinđe la oko 40 različita manuša. But olendar niked na reslje pe. Ipak, celo knjiga isi la po redo hem vaćeri andi jekh tema.

• O piscija hine iskrena đi pisinđe la. Disave istoričarija na pisinena ando porazija kola doživinđa olengo narodo. Ki aver strana, e biblijake piscija iskreno pisinđe ando pe greške hem ando greške kola ćerđa olengo narodo (2. Letopisa 36:15, 16; Psalam 51:1-4).

• O pouzdana proročanstvija. Ki Biblija hine proreknimo 200 berš angleder, so i purani diz Vavilon ka ovel uništimi (Isaija 13:17-22). Ko odova proročanstvo na hine samo pisimo sar o Vavilon ka perel, već hem e manušeso anav kova ka osvojini le (Isaija 45:1-3).

  But avera proročanstvija ispuninđe pe đi o najtikne detaljija. Sa akava tano but šukar razlog te verujina so i Biblija ćaće avela ando Devel (2. Petrova 1:21).