5–11. AVGUST

BARVALIPE ANDO DEVLESO LAFI

1. Vaćer e ternencar andi Devlesi moć

(10 min.)

Pana ko terne berša o David osetinđa so o Jehova arakhi le (Ps 71:5; w99-SBO 1. 9. 18 ¶17)

Ked hine ko phure berša, o David osetinđa so o Jehova pomožini le (Ps 71:9; g04-SBO 8. 10. 23 ¶3)

O David ohrabrinđa e ternen ađahar so vaćerđa lenđe sar o Jehova pomožinđa lese (Ps 71:17, 18; w14-SBO 15. 1. 23 ¶4-5)

I porodica ando deo „So šaj te ćera ko porodično proučibe“. On vićinđe jekhe phure phrale hem jekha phurja phenja hem šunena len đi on mothovena slike hem vaćerena pe iskustvija.

PUĆ TUT: „Kas andi skupština, ko već but vreme služini e Jehovase, šaj te vićinav ko porodično proučibe hem te pućav le ando buća kola nakhlja?“

2. Biserija ando Devleso Lafi

(10 min.)

Ps 72:8 – Sar e Jehovaso obećanje ando Postanak 15:18, kova hine dindo e Avrahamese, ispuninđa pe đi vladinđa o kralj Solomon? (it-1-E 768)

To odgovor
Kola biserija arakhljan đi čitinđan i Biblija ko akava kurko?

To odgovor

3. Čitibe andi Biblija

(4 min.) Ps 71:1-24 (th 5. lekcija)

DE TUTAR SA KI SLUŽBA

4. Počmin o razgovor

(3 min.) KOTAR ĆHER KO ĆHER. Ćhinav o razgovor ko ljubazno način ked dikheja so i osoba mangela te svađini pe. (lmd lekcija 4, i tačka 5)

5. Posetin e osoba

(4 min.) SVEDOČIN NEFORMALNO. Nastavin o razgovor nekasa andi ti familija kova tano ko duj gođa da li te proučini i Biblija. (lmd lekcija 8, i tačka 4)

6. Objasnin ko so verujineja

(5 min.) Govor. ijwfq-SBO 49 – Tema: Sose e Jehovase svedokija meninđe disave pe verovanja? (th 17. lekcija)

HRIŠĆANSKO ĐIVDIPE

7. So šaj te ćera ko porodično proučibe?

(15 min.): Razmatranje e publikaja.

Jekh ćhaj ko porodično proučibe mothovi so bi ćerela ki disavi situacija.

O porodično proučibe tano vreme ked tumare ćhave šaj te sikljon te razmislinen ko Jehovaso način (Ef 6:4). Nane uvek lokho ked valjani te sikljol pe, ama so pobuter barjola e ćhavengi želja te penđaren e Jehova, on pana pobuter ka uživinen ko odova (Jv 6:27; 1Pe 2:2). Dikhen o okvir „Ideje aso porodično proučibe“. Akava okvir šaj te pomožini e roditeljenđe te ćeren o porodično proučibe te ovel poučno hem zanimljivo. Palo odova, puć:

Kova predlog sviđini pe tuće?

To odgovor
Da li isi pana diso so šaj te ovel korisno?

To odgovor

IDEJE ASO PORODIČNO PROUČIBE

BIBLIJA:

Mukhen o audio-snimak ando deo kova akava kurko čitini pe andi Biblija, ja meninen tumen đi čitinena odova deo ko glaso. Svako šaj te čitini o lafija andi aver biblijaki ličnost.
O poglavari ja o roditeljija šaj te pripreminen disave pućiba aso deo kova ka čitinen andi Biblija. Svako nek istražini po jekh pućibe. Palo odova, šaj te phenen jekh jekhese so arakhljen hem so sikljiljen.
Zamislinen disavi situacija hem ki knjiga Načela za svakodnevni život istražinen o načelija kola odnosinena pe ki odija situacija.
Gluminen disavo biblijako izveštaj.
Svako kurko pisinen po jekh biblijako stih, sar soj tane o stihija ando dodatko A andi brošura Mang e manušen–hem ćer učenikonen, hem trudinen tumen te sikljon odova stih. Svako kurko ponovinen o stihija kola angleder sikljiljen.
Proučinen jekh deo andi knjiga Ov bahtalo zauvek!
Neko andi porodica šaj te spremini disavo članko ando deo „Pućiba hem odgovorija“ ko deo „BIBLIJAKE SIKLJOVIBA“ ko amaro sajt jw.org.

SASTANKIJA:

Pripreminen jekh deo ando sastanko.
Pripreminen hem vežbinen o komentarija. Merinen kobor trajini o komentari.
Vežbinen te đilaben amare đilja.
Vežbinen sar šaj te ohrabrinen nekas angleder hem palo sastanko.
Vežbinen o prikaz kova neko andi porodica valjani te ovel le ko sastanak.

SLUŽBA:

Spreminen tumen asi služba kotar ćher ko ćher.
Spreminen tumen aso tumare naknadna posete.
Zamislinen disavi situacija hem vežbinen sar te počminen te vaćeren nekasa.
Vaćeren da li šaj te ćeren diso pobuter ki služba ko period andi Spomen-svečanost ja ked hijen ko raspust ja ko odmor.

SO VALJANI E PORODICAĆE:

Vežbinen sar valjani te reagujinen ko disave konkretna situacije, sar soj tane ked neko zadini tut, ked neko pućela tut te ove ki veza, ked neko vićini tut ki disavi proslava.
Meninen o uloge. O ćhave nek oven roditeljija. Mukhen e ćhaven te istražinen disavi tema hem palo odova te vaćeren tumencar.

PANA DISAVE PREDLOGIJA:

Dikhen amari masekosi emisija hem vaćeren odolestar.
Čitinen disavo članko ja dikhen disavo video ando amaro sajt jw.org hem palo odova vaćeren odolestar.
Ćeren diso kotar deo „Terne“ ja „Ćhavore“ kova arakhi pe ko deo „BIBLIJAKE SIKLJOVIBA“ ko jw.org.
Dikhen o beleške kotar Regionalno kongres ja pokrajinsko sastanko.
Dikhen ja istražinen o buća kola o Jehova stvorinđa hem vaćeren so odova sikavi tumen olestar.
Podijekh puti vićinen nekas ko porodično proučibe hem spreminen disave pućiba olese.
Ćhiven tumenđe disave ciljija hem vaćeren sar šaj te ispuninen len.
Ćeren diso zajedno, sar soj tani e Nojesi arka, ja proučinen disave tabele ja mape ando prevod Novi svet ja ando amare publikacije.

Mukh o VIDEO Den sa tumendar o porodično proučibe te ovel pana pošukar. Palo odova, puć:

Ako ki porodica nane ćhave, so šaj o rom te ćerel te šaj i romni pana pobuter te uživini ko porodično proučibe?

To odgovor

8. E skupštinako proučibe andi Biblija

(30 min.) bt-SBO pogl. 13 ¶17-24