Μέρος 1: Οντουλά σο Πακιάνα ο Χριστιανοί

Κι μελέτη σο κερντάν κατά Αγία Γραφή ι Ιεχωβάσκε Μαρτυρέντζαρ, σικλιλάν σο ισί οντουβά σο μανγκέλα ο Ντεβέλ τούταρ. Ανταλά σο σικλιλάν σίγουρα βοηθιντέ-τουτ τι αβές λατσσό αμάλ ι Ντεβλέσαρ ντα ντινέ-τουτ ι ελπίδα ότι ανγκλά-τούτε κα τζουβντιός κο παράδεισος σο κα ανέλ κι πφουβ η Βασιλεία ι Ντεβλέσκι ντα κα τθερές ευλογίες. Τι πίστη κο Λάφι κι Ντεβλέσκο αβιλί πιο ζουρανί, ντα τθερέσα ντικχλό μπουτ ευλογίες τι ζωγιάτε επειδή ισινάν ι πφραλέντζαρ ντα ι πφενίντζαρ κι Χριστιανική κχανγκιρί. Ερεσλάν κο σημείος τι αγαβές σο κερέλα αντιβές ο Ιεχωβά πι λαόσαρ.​—Ζαχ. 8:23.

Ακανά σο ετοιμάνεσα-τουτ τι μπολντιός, κα βοηθίντιβες σο κα ντικχές πάλι ντα κα συζητίνες ι πρεσβυτερόντζαρ ο βασικά πράγματα σο πακιάνα ο Χριστιανοί. (Εβρ. 6:​1-3) Μακάρι ο Ιεχωβά τι συνεχίνελ τι ευλογίνελ σαρέ ο προσπάθειες σο κερέσα για τι γνωρίνες-λες ντα τι ντελ-τουτ, σαρ βακερντάς, ζωή για πάντα.​—Ιωάν. 17:3.

1. Σόσκε μανγκέσα τι μπολντιός;

2. Κον ισί ο Ιεχωβά;

   • «Ο Ιεχωβά ισί ο αληθινός Ντεβέλ οπράλ κο ουρανός ντα τελέ κι πφουβ. Νανέ καέκ γιαβέρ».​—Δευτ. 4:39.

   • «Τούι, σο βακερένα τούκε Ιεχωβά, ισινάν ο πιο Μπαρό σαρί κι πφουβ».​—Ψαλμ. 83:18.

3. Σόσκε ισί σημαντικός τι χρησιμοποιήνες ο ναβ ι Ντεβλέσκο;

   • «Αντικάς πρέπει τι προσευχίντιβεν: “Ντάντε σο ισινάν κο ουρανός, τι αγιάντιβελ το ναβ”».​—Ματθ. 6:9.

   • «Οντουβά σο κα χρησιμοποιήνελ ο ναβ ι Ιεχωβάσκο κα σώντιβελ».​—Ρωμ. 10:13.

4. Καλά λάφια χρησιμοποιήνελα η Γραφή για τι σικαβέλ αμένγκε σαρ ισί ο Ιεχωβά;

   • «Ο Ιεχωβά, Οντουβά σο κερντάς σαρέ ο πράγματα κι πφουβ, ισί Ντεβέλ για πάντα».​—Ησ. 40:28.

   • «Ντάντε σο ισινάν κο ουρανός».​—Ματθ. 6:9.

   • «Ο Ντεβέλ ισί αγάπη».​—1 Ιωάν. 4:8.

5. Σο μπορίνεσα τι ντες κο Ιεχωβά Ντεβέλ;

   • «Πρέπει τι μανγκές ι Ιεχωβάς τι Ντεβλές σαρέ τι γκίσαρ ντα σαρέ τι ψυχιάσαρ ντα σαρέ τι γκοντιάσαρ ντα σαρέ τι ζοριάσαρ».​—Μάρκ. 12:30.

   • «Κο Ιεχωβά τι Ντεβλέστε πρέπει τι ντες λατρεία ντα σάντε λες πρέπει τι υπηρετίνες».​—Λουκ. 4:8.

6. Σόσκε μανγκέσα τι αβές αφοσιωμέ κο Ιεχωβά;

   • «Τι αβές γκοντιαβέρ, μο τσσαβό, ντα τι κερές μο γκι τι χαιρίνελ, για τι τθεράβ σο τι βακεράβ οντουλέσκε σο πρασάλα-μαν».​—Παρ. 27:11.

7. Κάστε προσευχίντιβεσα, ντα κάσκε ναβέστε κερέσα-λες ανταβά;

   • Ο Ιησούς βακερντάς: «Μπαγιά, μπαγιά βακεράβα τουμένγκε: Σο-ντα τι μανγκέν μι Νταντέσταρ, κα ντελ-λες τουμέντε μι ναβέστε».​—Ιωάν. 16:23.

8. Καλέ πραγματένγκε μπορίνεσα τι προσευχίντιβες;

   • «Αντικάς πρέπει τι προσευχίντιβεν: “Ντάντε σο ισινάν κο ουρανός, τι αγιάντιβελ το ναβ. Τι αβέλ τι Βασιλεία. Τι αβέλ οντουβά σο μανγκέσα, σαρ αβέλα-πες κο ουρανός, αντικάς τι αβέλ-πες οπράλ κι πφουβ-ντα. Ντε-αμέν αντιβές αμαρό μαντρό ανταλέ ντιβεσέσκε· ντα συγχώρινε αμαρέ λάθη, σαρ αμέν-ντα συγχωριντάμ ο λάθη σο κερντέ αμένγκε ο γιαβερά. Ντα βοήθινε-αμέν μα τι περάς κο πειρασμός, αλλά ελευθέρωνε-αμέν κατά πφιρνό”».​—Ματθ. 6:9-13.

   • «Ανταγιά ισί η σιγουριά σο τθεράσα λέσκε, ότι σο-ντα τι μανγκάς λέσταρ ντα συμφωνίνελα οντουλέσαρ σο μανγκέλα, βοβ ασουνέλα-αμέν».​—1 Ιωάν. 5:14.

9. Σόσκε μπορεί μα τι ασουνέλ ο Ιεχωβά ι προσευχή εκχέ τζενέσκι;

   • «Κα μανγκέν βοήθεια κατά Ιεχωβά, αλλά βοβ να κα απαντίνελ λένγκε . . . ιτιρί κατά πφιρνικανέ πράγματα σο κερένα».​—Μιχ. 3:4.

   • «Ο γιακχά ι Ιεχωβάσκε ισί οπράλ κο δίκαιοι ντα λέσκε κανά ασουνένα κάνα βον μολίνενα-λες, αλλά ο Ιεχωβά τζάλα κόντρα οντουλέντε σο κερένα γκεραλέ πράγματα».​—1 Πέτρ. 3:​12.

10. Κον ισί ο Ιησούς Χριστός;

    • «Ο Σίμων Πέτρος βακερντάς: “Ισινάν ο Χριστός, ο Τσσαβό ι τζουβντέ Ντεβλέσκο”».​—Ματθ. 16:16.

11. Σόσκε αβιλό ο Ιησούς κι πφουβ;

    • «Ο Τσσαβό ι τζενέσκο αβιλό, όχι για τι υπηρετίνεν-λες, αλλά για τι υπηρετίνελ ντα τι ντελ πι ζωή σαρ λύτρος μπουτέ τζενένγκε».​—Ματθ. 20:28.

    • «[Ο Ιησούς] όμως βακερντάς λένγκε: “Πρέπει τι βακεράβ ο λατσσέ αμπέρια ι Ντεβλέσκε Βασιλειάκε γιαβερέ-ντα τθεμέντε, σόσκε οντουλέσκε μπουτσσάντιλομ”».—Λουκ. 4:43.

12. Σαρ μπορίνεσα τι σικαβές ότι εκτιμίνεσα ι θυσία ι Ιησούσκι;

    • «Μουλό σαριλένγκε για μα τι συνεχίνεν ο τζενέ τι τζουβντιόν πέσκε αλλά οντουλέσκε σο μουλό λένγκε ντα ιστίντιλο».​—2 Κορ. 5:​15.

13. Σο εξουσία τθερέλα ο Ιησούς;

    • «Σαρί η εξουσία κο ουρανός ντα κι πφουβ ντιντιλί μάντε».—Ματθ. 28:18.

    • «Ο Ντεβέλ τσσουντάς-λες πιο οπρέ ντα ντινάς-λες λατσσιμάσαρ ο ναβ σο ισί πιο οπρέ σαρέ κατά γιαβερά ναβά».—Φιλιπ. 2:9.

14. Πακιάσα ότι ο Κυβερνών Σώμας σο τθερένα ο Μάρτυρες ι Ιεχωβάσκε ισί «ο πιστός ντα φρόνιμος δούλος» σο τσσουντάς-λες ο Ιησούς τι αβέλ υπεύθυνος;

    • «Κον ισί μπαγιά ο πιστός ντα φρόνιμος δούλος σο λέσκο κύριος τσσουντάς-λες υπεύθυνος κο υπηρέτες για τι ντελ-λεν χαμπέ αζομάν σο πρέπει τι ντελ-λες;»​—Ματθ. 24:45.

15. Σο ισί ο άγιος πνεύμας;

    • «Ο άγγελος βακερντάς λάκε: “Άγιος πνεύμας κα αβέλ οπρά-τούτε, ντα η ζορ ι πιο Μπαρέσκι κα ιτσσαρέλ-τουτ. Άκ’ σόσκε ο τσσαβό σο κα μπιάντιβελ κα βακέρντιβελ άγιος, Τσσαβό ι Ντεβλέσκο”».​—Λουκ. 1:35.

    • «Άρα άμα τουμέν, παρόλο σο ισινέν πφιρνέ, τζανένα τι ντεν λατσσέ δώρα τουμαρέ τσσαβέντε, καζόμ πιο μπουτ κα ντελ ο Ντατ σο ισί κο ουρανός άγιος πνεύμας οντουλέντε σο μανγκένα-λες λέσταρ!»​—Λουκ. 11:13.

16. Σο κερντάς ο Ιεχωβά πι άγιε πνευμάσαρ;

    • «Ι Ιεχωβάσκε λαφίσαρ κερντιλό ο ουρανός, ντα ι πνευμάσαρ σο νικιόλα λέσκε μόσταρ κερντιλό σο-ντα ισί λέστε».​—Ψαλμ. 33:6.

    • «Κα λεν ζορ κάνα ο άγιος πνεύμας κα αβέλ οπρά-τουμέντε ντα κα αβέν μο μάρτυρες . . . ατζέ-ντα κο τθαν σο ισί πιο ντουρ οπράλ κι πφουβ».​—Πράξ. 1:8.

    • «Καέκ προφητεία ι Γραφιάκι να νικαντέ-λα ο τζενέ πουμαρέ γκοντιάταρ. Ποτές να αβιλί προφητεία επειδή μανγκλάς-λες τζενό, αλλά ο άγιος πνεύμας τσσίντελας ι τζενέν τι βακερέν ι Ντεβλέσκε λάφια».​—2 Πέτρ. 1:​20, 21.

17. Σο ισί η Βασιλεία ι Ντεβλέσκι;

    • «Ο Ντεβέλ σο ισί κο ουρανός κα τσσουβέλ εκ βασιλεία σο να κα καταστραφίντιβελ ποτές. Ανταγιά βασιλεία να κα νακχέλ γιαβερέ λαόστε. Κα νασκιαρέλ ντα κα τσσιναβέλ σαρέ ανταλά βασιλείες ντα σάντε βόι κα ατσσόλ για πάντα».​—Δαν. 2:44.

18. Σο λατσσιπέ κα ανέλ τούκε η Βασιλεία ι Ντεβλέσκι;

    • «[Ο Ντεβέλ] κα νασκιαρέλ σαρέ ο δάκρυα λένγκε γιακχίνταρ, ντα ο μεριπέ να κα αβέλ πάλι, ούτε λύπη ούτε βίκος ούτε ντουκχ να κα αβέν πάλι. Ο πουρανέ νασλέ».​—Αποκ. 21:4.

19. Σαρ τζανέσα ότι ο λατσσίματα σο κα ανέλ η Βασιλεία κα αβέν σουγκό;

    • «Ο μαθητές γκιλέ λέσκε κάνα ισινέ κορκορό ντα βακερντέ λέσκε: “Βάκερ αμένγκε, κάνα κα αβέν-πες ανταλά, ντα καβά κα αβέλ ο σημείος σο κα σικαβέλ ότι αβιλάν ντα ότι ισί πασέ ο τέλος ανταλέ ντουνιάσκο;” Ο Ιησούς βακερντάς λένγκε: “. . . Κα τζαλ κόντρα τθεμ γιαβερέ τθεμέσαρ ντα βασίλειος γιαβερέ βασιλειόσαρ ντα κα αβέλ μποκχ ντα σεισμοί τθεμ τθεμέστε. Ντα ανταλά λατσσέ αμπέρια ι Βασιλειάκε κα βακέρντιβεν σαρί κι πφουβ για τι ασουνέν-λεν σαρέ ο τθεμά, ντα αζομάν κα αβέλ ο τέλος”».​—Ματθ. 24:3, 4, 7, 14.

    • «Κο τελευταία ντιβεσά ο πράγματα κα αβέν δύσκολα ντα επικίνδυνα. Σόσκε ο τζενέ κα μανγκέν σάντε πουμαρό νεαυτός, κα μανγκέν μπουτ ο λοβέ, κα ισαρέν-πες, κα αβέν μπαρικανέ, κα κουσέν, να κα ντεν καν πουμαρέ νταντές ντα πουμαρέ νταγιά, κα αβέν αχάριστοι, να κα αβέν αφοσιωμέ, να κα τθερέν ιτς αγάπη, κα τθερέν σορό, κα κατηγορίνεν με ψεύτικα λάφια ι γιαβερέν, να κα ατσσικιαρέν πουμαρό νεαυτός, κα αβέν άγριοι, ντουσμάνια ι λατσσιμάσκε, προδότες, κα μανγκέν τι νακχέλ λένγκο, πφερντέ μπαρικανιπέ, τζενέ σο μανγκένα ο απολαύσεις ντα όχι ι Ντεβλές, σο βακερένα ότι μανγκένα ι Ντεβλές, αλλά οντουλέντζαρ σο κερένα σικαβένα ότι νανέ μπαγιά ανταβά».​—2 Τιμ. 3:​1-5.

20. Σαρ σικαβέσα ότι η Βασιλεία ισί σημαντική τούκε;

    • «Συνεχίνεν τι μανγκέν πρώτα ι Βασιλεία ντα λέσκι δικαιοσύνη».​—Ματθ. 6:33.

    • «Ο Ιησούς βακερντάς πι μαθητένγκε: “Άμα εκ τζενό μανγκέλα τι αβέλ παλά-μάντε, τι τσσιναβέλ τι τζουβντιόλ πέσκε, τι βάντελ ο κας σο κα βασανίνεν-λες ντα μα τι τσσιναβέλ τι πφιρέλ παλά-μάντε”».—Ματθ. 16:24.

21. Κον ισί ο Μπενγκ ντα ο δαίμονες;

    • «Τουμέν ισινέν τουμαρέ νταντέσταρ κατά Διάβολος . . . Βοβ μουνταρέλας τζενέν από αζομάν σο αρχισάλο».—Ιωάν. 8:44.

    • «Φουρτίντιλο τελέ ο μπαρό δράκος, ο σαπ σο ισινέ κι αρχή, οντουβά σο βακέρντιβελα Διάβολος ντα Σατανάς, σο χουχαβέλα σαρέ ι ντουνιάς· φουρτίντιλο κι πφουβ, ντα λέσκε άγγελοι φουρτίντιλε λέσαρ».​—Αποκ. 12:9.

22. Καλέ πραγματένγκε ο Μπενγκ τσσουντάς λάφια ι Ιεχωβάσκε ντα οντουλένγκε σο υπηρετίνενα-λες;

    • «Η τζουβέλ βακερντάς κο σαπ: “Μπορίνασα τι χας ο φρούτα ι δεντρόνγκε σο ισί κο κήπος. Αλλά ι δεντρόσκε σο ισί κο μασκάρ κο κήπος, ο Ντεβέλ βακερντάς: «Δεν πρέπει τι χαν ανταλέσταρ ούτε τι ασταρέν-λες, για μα τι μερέν»”. Αζομάν ο σαπ βακερντάς κι τζουβέλ: “Σίγουρα να κα μερέν. Σόσκε ο Ντεβέλ τζανέλα ότι, οντουβά ντιβές σο κα χαν ανταλέσταρ, τουμαρέ γιακχά κα πουτάρντιβεν ντα τουμέν κα αβέν σαρ ο Ντεβέλ, ντα κα τζανέν εμ ο λατσσιπέ εμ ο γκεραλιπέ”».​—Γέν. 3:​2-5.

    • «Ο Μπενγκ βακερντάς κο Ιεχωβά: “Ο τζενό κα ντελ τσίπα αντίς τσιπάκε. Σαρέ οντουλά σο τθερέλα κα ντελ-λεν πι ζωγιάκε”».​—Ιώβ 2:4.

23. Σαρ μπορίνεσα τι σικαβές ότι ο λάφια ι Μπενγκέσκε νανέ μπαγιά;

    • «Υπηρέτινε [ι Ντεβλές] σαστέ γκίσαρ».​—1 Χρον. 28:9.

    • «Μέχρι τι μεράβ, κα ατσσικιαράβ σαστό μο γκι κο Ντεβέλ!»​—Ιώβ 27:5.

24. Σόσκε μερένα ο τζενέ;

    • «Εκχέ τζενέσταρ αβιλί η αμαρτία κο ντουνιάς ντα κατά αμαρτία ο μεριπέ, ντα αντικάς ο μεριπέ γκιλό σαρέ κο τζενέ, σόσκε σαρέ αμαρτιντέας».​—Ρωμ. 5:12.

25. Σο αβέλα-πες κάνα μεράσα;

    • «Ο τζουβντέ τζανένα ότι κα μερέν, αλλά ο μουλέ να τζανένα τίποτα».​—Εκκλ. 9:5.

26. Καγιά ελπίδα τθεράσα οντουλένγκε σο μουλέ;

    • «Κα τζουβντιόν πάλι εμ οντουλά σο ισί δίκαιοι εμ οντουλά σο νανέ».​—Πράξ. 24:15.

27. Καζόμ τζενέ τζάνα κο ουρανός για τι κυβερνίνεν γιεκ ι Ιησούσαρ;

    • «Ντικχλόμ ι Μπρακές οπράλ κο βες Σιών, ντα λέσαρ 144.000 σο τθερένα ο ναβ λέσκο ντα ο ναβ λέσκε Νταντέσκο γραμμέ πουμαρέ τσικατέντε».​—Αποκ. 14:1.