Οχτώ Τζενέ Ντένα Εκχέ Νεβέ Ντουνιάστε

Ο Νώε, η φαμιλί λέσκι ντα ο ζώα ντινέ αντρέ κι κιβωτός. Ο Ιεχωβά πφαντάς ι πόρτα, ντα αρχισάλο ο μπρισίμ. Ντινάς αζόμ μπουτ μπρισίμ σο η κιβωτός αρχισάλι τι βαντίντιβελ οπράλ κο πανί ντα σαρί η πφουβ ιτσσάρντιλι πανίσαρ. Αβρί κατά κιβωτός σαρέ ο γκεραλέ τζενέ μουλέ. Αλλά ο Νώε ντα λέσκι φαμιλί ισινέ αρακχαντέ αντρέ κι κιβωτός. Μπορίνενα τι ανέν τουμαρέ γκοντιάτε καζόμ ευτυχισμέ ισινέ σο ντινέ καν κο Ιεχωβά;

Ο μπρισίμ ντέλας 40 ντιβεσά εμ ντισάρα εμ ιράτ, ντα σοράν τσσινάντιλο. Χάνικ χάνικ ο πανιά νασένας. Τελικά, η κιβωτός ατσσιλί κο βεσά. Αλλά ισινέ ατζέκ μπουτ πανί οπράλ κι πφουβ, οτθάρ ο Νώε ντα λέσκι φαμιλί να μπορίνενας τι νικιόν αμέσως κατά κιβωτός.

Καζόμ νακχένας ο ντιβεσά, ο πανιά νασλέ ντιπ. Ο Νώε ντα λέσκι φαμιλί ισινέ πο μπουτ εκχέ μπρεσέσταρ αντρέ κι κιβωτός. Σοράν ο Ιεχωβά βακερντάς λένγκε ότι μπορίνενας τι νικιόν κατά κιβωτός ντα τι ντεν εκχέ ντουνιάστε σο ντικχιόλας νεβό. Τθερένας μπαρί εκτίμηση ι Ιεχωβάσκε σο σωντάας λένγκι ζωή, ντα σικαντέ πουμαρί εκτίμηση κάνα κερντέ εκ θυσία λέσκε.

Αβιλό ι Ιεχωβάσκο γκι κατά θυσία σο κερντέ λέσκε. Ο Ιεχωβά ντινάς πο λάφι ότι να κα κερέλας πάλι ασακί καταστροφή ι πφουβ. Για τι σικαβέλ-λες ανταβά κερντάς τι νικιόλ κο ουρανός ο πρώτος ουράνιος τόξος. Τθερέσα ντικχλό ποτές ουράνιος τόξος;

Σοράν ο Ιεχωβά βακερντάς κο Νώε ντα λέσκε φαμιλιάτε τι κερέν τσσαβέν ντα τι πφερέν ι πφουβ.