Ο Δώδεκα Κατάσκοποι

Ο Ισραηλίτες νασλέ κατά βες Σινά, κερντέ ταξίδι αντράλ κατά έρημος Φαράν ντα ερεσλέ εκχέ τθανέστε σο βακέρντιβελας Κάδης. Οτθέ ο Ιεχωβά βακερντάς κο Μωυσής: “Μπούτσσαβ 12 μουρσέν, εκχές ι κάθε φαράταρ, για τι ντικχέν σο τθεμ ισί η Χαναάν, ο τθεμ σο κα νταβ κο Ισραηλίτες”. Οτθάρ, ο Μωυσής τραμπιντάς 12 μουρσέν ντα βακερντάς λένγκε: “Τζαν κι Χαναάν ντα ντικχέν άμα η πφουβ οτθέ ισί λατσσί για τι φυτίνας. Ντικχέν άμα ο τζενέ ισί μπίζουρανε ή ζουρανέ ντα ντικχέν άμα μπεσένα τσαντιρίντε ή κχερέντε”. Ο 12 κατάσκοποι σο λέντζαρ ισινέ εμ ο Ιησούς του Ναυή εμ ο Χάλεβ, νασλέ για τι τζαν κι Χαναάν.

Αφού νακχλέ 40 ντιβεσά ο κατάσκοποι βουρτισάλε παλάλ, ντα αντέ πουμέντζαρ χχελιά, νταραβινά ντα ντρακχά. Βον βακερντέ: “Ο τθεμ ισί λατσσό, αλλά ο τζενέ οτθέ ισί ζουρανέ ντα τθερένα βουτσσέ ντουβάρια κο πόλεις”. Αζομάν ο Χάλεβ βακερντάς: “Μπορίνασα τι νικίνας-λεν. Ελάν τι τζας ακανά!” Τζανέσα σόσκε βακερντάς-λες ανταβά ο Χάλεβ; Επειδή βοβ ντα ο Ιησούς του Ναυή ντένας μπέσα κο Ιεχωβά. Ο γιαβερά 10 κατάσκοποι όμως βακερντέ: “Όχι! Ο τζενέ οτθέ ισί μπουτ βουτσσέ, σαρ γίγαντες! Αμέν ανγκλά-λέντε ισινάμ σαρ ακρίδες”.

Ο Ισραηλίτες χασαρντέ πουμαρό θάρρος. Κερένας παράπονα ντα βακερένας ο εκ κο γιαβέρ: “Ελάν τι τραμπίνας εκχέ γιαβερέ τζενές τι αβέλ αρχηγός ντα ελάν τι βουρτίνας κι Αίγυπτος. Σόσκε τι τζας ανταλέ τθεμέστε ντα τι μεράς;” Ο Ιησούς του Ναυή ντα ο Χάλεβ βακερντέ: “Ντεν καν ι Ιεχωβάς ντα μα νταρέν. Ο Ιεχωβά κα αρακχαβέλ-αμέν”. Αλλά ο Ισραηλίτες να ασουνένας. Μέχρι σο μανγκένας τι μουνταρέν τον Ιησού του Ναυή ντα τον Χάλεβ!

Σο κερντάς ο Ιεχωβά; Βακερντάς κο Μωυσής: “Τθεράβα κερντό αζόμ μπουτ ι Ισραηλιτένγκε ντα βον ατζέ να ντένα-μαν καν. Οτθάρ, κα μπεσέν κι έρημος 40 μπρεσά ντα κα μερέν οτθέ. Σάντε λένγκε τσσαβέ, ο Ιησούς του Ναυή ντα ο Χάλεβ κα τζουβντιόν κο τθεμ σο ντινόμ μο λάφι ότι κα λεν”.