Ο Ιεχωβά Τραμπιντάς ι Ιησούς του Ναυή

Ο Μωυσής οδηγιντάας ι λαός Ισραήλ για μπουτ μπρεσά, ακανά όμως πφουρίλιλο ντα ισινέ πασέ κο μεριπέ. Ο Ιεχωβά βακερντάς λέσκε: “Να κα αβές τούι οντουβά σο κα γκερέλ ι Ισραηλιτέν κο Υποσχεμέ Τθεμ. Όμως κα μουκχάβ-τουτ τι ντικχές ανταβά τθεμ”. Σοράν, ο Μωυσής μανγκλάς κατά Ιεχωβά τι τραμπίνελ εκχέ νεβέ αρχηγός για τι φροντίνελ ι λαός. Ο Ιεχωβά βακερντάς λέσκε: “Τζα κο Ιησούς του Ναυή ντα βάκερ λέσκε ότι λες τραμπιντόμ”.

Ο Μωυσής βακερντάς κο λαός ότι μπουτ σουγκό κα μερέλας ντα ότι ο Ιεχωβά τραμπιντάας τον Ιησού του Ναυή για τι οδηγίνελ-λεν κο Υποσχεμέ Τθεμ. Σοράν ο Μωυσής βακερντάς κο Ιησούς του Ναυή: “Μα ντάρα. Ο Ιεχωβά κα βοηθίνελ-τουτ”. Χάνικ πο σοράν, ο Μωυσής γκιλό ντιπ οπρέ κο βες Νεβώ, ντα οτθάρ οπράλ ο Ιεχωβά σικαντάς λέσκε ο τθεμ σο ντινάας πο λάφι κο Αβραάμ, κο Ισαάκ ντα κο Ιακώβ. Ο Μωυσής ισινέ 120 μπρεσένγκο κάνα μουλό.

Ο Ιεχωβά βακερντάς κο Ιησούς του Ναυή: “Νακχ ι Λεν Ιορδάνης ντα τζα κι Χαναάν. Κα βοηθίναβ-τουτ σαρ βοηθίναβας ι Μωυσής-ντα. Κερ σο νακχέλα τι βαστέσταρ για τι διαβάνες μο Νόμος κάθε ντιβές. Μα ντάρα. Τι αβές μπίνταρανο. Τζα ντα κερ σο-ντα βακερντόμ τούκε”.

Ο Ιησούς του Ναυή μπουτσσαντάς ντουέ κατασκοπόν σε εκ πόλη, κι Ιεριχώ. Κι γιαβέρ ιστορία κα σικλιάς πο μπουτ ανταλέσκε. Κάνα βον βουρτισάλε βακερντέ ότι ισινέ ο πο λατσσό σαάτι για τι ντεν αντρέ κι Χαναάν. Ο γιαβέρ ντιβές ο Ιησούς του Ναυή βακερντάς κο λαός τι ετοιμάνεν-πες για τι νασέν. Σοράν βακερντάς κο ιερείς σο ακχαρένας ι κιβωτός της διαθήκης τι τζαν πρώτα βον κι Λεν Ιορδάνης. Οντουλά ντιβεσά ο πανιά ι λενιάκε πλημμυρισάλεας. Αλλά κάνα ο ιερείς τσσουντέ πουμαρέ πιντρέ κο πανί η λεν σουκιλί ντα να τθερέλας πανί! Ο ιερείς πφιρντέ κο μασκάρ κι λεν ντα ατσσιλέ οτθέ καζόμ ο λαός Ισραήλ νακχέλας κι γιαβέρ μπάντα. Πακιάσα ότι ανταβά θαύμας αντάς λένγκε γκοντιάτε σο κερντάας ο Ιεχωβά κι Ερυθρά Θάλασσα;

Μετά από μπουτ μπρεσά, ο Ισραηλίτες ερεσλέ κο Υποσχεμέ Τθεμ. Μπορίνενας τι χτίνεν κχερά ντα πόλεις. Μπορίνενας τι φυτίνεν κο χωράφια, τι τθερέν ρεζά ντα κήπους. Ισινέ εκ τθεμ σο τθερέλας μπερεκέτι τθουτ ντα αβγίν.