Ο Μπενγκ Δοκιμάνελα ι Ιησούς

Κάνα ο Ιησούς μπολντιλό, ο άγιος πνεύμας γκερντάς-λες κι έρημος. 40 σαστέ ντιβεσά να χαλάς τίποτα, ντα μποκχάλιλο μπουτ. Αζομάν αβιλό ο Μπενγκ για τι δοκιμάνελ ι Ιησούς ντα βακερντάς λέσκε: “Αν ισινάν μπαγιά ο Τσσαβό ι Ντεβλέσκο, βάκερ ακαλέ μπαρένγκε τι αβέν μαντρέ”. Αλλά ο Ιησούς ντινάς-λες απάντηση αντράλ κατά Γραφή: “Ισί γραμμέ ότι να αβέλα-πες τι τζουβντιός σάντε χαμπέσαρ. Πρέπει τι ασουνές σαρέ ο λάφια σο βακερέλα ο Ιεχωβά”.

Σοράν ο Μπενγκ για τι τσσουβέλ σε πειρασμός ι Ιησούς βακερντάς: “Αν ισινάν μπαγιά ο τσσαβό ι Ντεβλέσκο, περ κατά πο βουτσσό τθαν σο τθερέλα ο ναός. Ισί γραμμέ ότι ο Ντεβέλ κα μπουτσσαβέλ τούκε πι αγγελόν για τι ασταρέν-τουτ”. Αλλά ο Ιησούς βακερντάς πάλι κάτι αντράλ κατά Γραφή: “Ισί γραμμέ ότι δεν πρέπει τι δοκιμάνες ι Ιεχωβάς”.

Σοράν, ο Μπενγκ σικαντάς κο Ιησούς σαρέ ο βασίλεια ι ντουνιάσκε ντα ο χουλανιπέ ντα ι δόξα σο τθερένα, ντα βακερντάς: “Κα νταβ-τουτ σαρέ ακαλά βασίλεια ντα ι δόξα σο τθερένα αν κα ντες-μαν λατρεία σάντε εκ φαρ”. Αλλά ο Ιησούς βακερντάς λέσκε: “Νας, Σατανά! Ισί γραμμέ ότι πρέπει τι ντες λατρεία σάντε ι Ιεχωβάς”.

Αζομάν ο Μπενγκ νασλό, ντα αβιλέ άγγελοι ντα ντινέ χαμπέ κο Ιησούς. Από αζομάν, ο Ιησούς βακερέλας ο λατσσέ αμπέρια ι Βασιλειάκε. Ανταλέ εργόσκε μπουτσσαντάας-λες ο Ιεχωβά κι πφουβ. Οντουλά σο σικλιαρέλας ο Ιησούς μπεϊντίνενας-λεν ο τζενέ, οτθάρ κάι-ντα τζάλας βοβ τζάνας παλά-λέστε.