Ο Ιησούς Καθαρίνελα ο Ναός

Κι άνοιξη κο 30 Κ.Χ., ο Ιησούς γκιλό κι Ιερουσαλήμ. Γκιλέας μπουτ τζενέ οτθέ για τι κερέν ο Πάσχας. Κι γιορτή οντιά, γκερένας ζώα κο ναός για τι θυσιάνεν-λεν. Μερικά τζενέ ανένας-λεν πουμέντζαρ, αλλά γιαβερά κινένας-λεν κι Ιερουσαλήμ.

Κάνα ο Ιησούς γκιλό κο ναός, ντικχλάς μερικέ τζενέν τι μπικινέν ζώα. Νικαβένας λοβέ οτθέ σο ντένας λατρεία ι Ιεχωβάς! Σο κερντάς ο Ιησούς κάνα ντικχλάς-λες ανταβά; Λατσσαρντάς εκ μαστίγιος σολένταρ ντα νασκιαρντάς ι μπρακέν ντα ο βόδια κατά ναός. Περαντάς τελέ ο τραπέζια οντουλένγκε σο μπικινένας ντα φουρτιντάς τελέ λένγκε λοβέ. Ο Ιησούς βακερντάς οντουλένγκε σο μπικινένας περιστέρια: “Λεν-λεν ακατάρ! Μα κερέν ο κχερ μι Νταντέσκο κχερ μπικινιμάσκε!”

Ο τζενέ κο ναός ατσσιλέ πουταρντέ μόσαρ οντουλέσταρ σο κερντάς ο Ιησούς. Λέσκε μαθητές ντινέ-πες γκοντί ι προφητεία για τον Μεσσία: “Κα πφαμπάβ μπουτ ι Ιεχωβάσκε κχερέσκε”.

Πο σοράν, κο 33 Κ.Χ., ο Ιησούς καθαριντάς ο ναός δεύτερη φαρ. Να μουκχέλας αντρέ κο ναός καεκχές σο να σεβάνελας λέσκε Νταντέσκο κχερ.