Σο κα Ντικχάς κο Μέρος 7

Ανταβά μέρος κα βακερέλ αμένγκε οντουλένγκε σο αβιλέ-πες κι ζωή του βασιλιά Σαούλ ντα του βασιλιά Δαβίδ. Ανταλά ιστορίες αβιλέ-πες αντρέ 80 μπρεσέντε. Κι αρχή, ο Σαούλ ισινέ ταπεινός ντα νταρέλας κατά Ντεβέλ, αλλά αντρέ χάνικ βακιτίστε αλλαξάλο ντα να ντέλας καν κο οδηγίες κι Ιεχωβάσκε. Ο Ιεχωβά να μπεϊντιντάς-λες ανταβά ντα, πο σοράν, ντινάς ι εντολή κο Σαμουήλ τι τζαλ ντα τι κερέλ βασιλιάς ι Δαβιδίς κο Ισραήλ. Ο Σαούλ ζηλίνελας ντα προσπαθίνελας τι μουνταρέλ ι Δαβιδίς μπουτ φαρ, αλλά ο Δαβίδ ποτές να λιντάς εκδίκηση. Ο τσσαβό του Σαούλ, ο Ιωνάθαν, τζανέλας ότι ο Ιεχωβά τραμπιντάας ι Δαβιδίς, οτθάρ ισινέ πιστός κο Δαβίδ. Παρόλο σο κερντάς μερικές σοβαρές αμαρτίες, ο Δαβίδ ποτές να μουκχλάς ι διόρθωση ι Ιεχωβάσκι. Άμα ισινάν ντατ ή ντάι, βοήθινε τι τσσαβές ή τι τσσαγιά τι αγαβέλ καζόμ σημαντικός ισί τι κεράς πάντα ο οδηγίες ι Ντεβλέσκε.