Σικλιαρέν Απλά

Σο Κερντάς ο Ιησούς

ΒΙΝΤΕΟΣ: Ο Ιησούς Σικαβέλα Εκχέ Παραδειγμάσαρ Καζόμ Πφαμπόλα Αμένγκε Αμαρό Ντατ

1. Ντικχέν ο ΒΙΝΤΕΟΣ ή διαβάνεν Ματθαίος 6:​25⁠-27. Σοράν σκεφτίνεν ο ερωτήσεις:

1. α. Καλέ παραδειγμάσαρ σικαντάς ο Ιησούς ότι ο Ιεχωβά πφαμπόλα αμένγκε;

2. β. Παρόλο σο ο Ιησούς τζανέλας μπουτ πράγματα ι τσιρικλένγκε, καλέ απλέ πραγμάστε ατσσιλό; Σόσκε ανταβά ισί εκ λατσσό τρόπος τι σικλιαράς;

Σο Σικλιάσα Κατά Ιησούς;

2. Άμα σικλιαράσα απλά, ο τζενέ κα ντεν-πες γκοντί οντουλά σο σικλιαράσα-λεν, ντα κα ερεσάς λένγκε γκίστε.

Μοιάζεν κο Ιησούς

3. Μα κερέν μπουτ λάφι. Αντίς τι βακερέν σαρέ οντουλά σο τζανένα εκχέ θεμάσκε, ατσσόν οντουλέντε σο ισί κο έντυπος. Κάνα κα κερέν εκ ερώτηση κο τζενό, μπεσέν με υπομονή για τι απαντίνελ τουμένγκε. Άμα να τζανέλα ι απάντηση ή άμα κα βακερέλ κάτι σο τζάλα κόντρα οντουλέντε σο σικλιαρέλα η Γραφή, κερέν λέσκε γιαβερά-ντα ερωτήσεις. Αντικάς, κα βοηθίνεν-λες τι κερέλ λογικές σκέψεις ανταλέ θεμάσκε. Μόλις ο τζενό κα αγαβέλ ο σημαντικός σημείος, τζαν πο τελέ.

4. Χρησιμοποιήνεν οντουλά σο ήδη τζανέλα ο τζενό για τι βοηθίνεν-λες τι αγαβέλ νεβέ πράγματα. Για παράδειγμας, πριν τι αρχίνεν ο μάθημας για την ανάσταση, κα μπορίνενας τι ντικχέν για χάνικ οντουλά σο ήδη σικλιλό κατά Γραφή ι μουλένγκε.

5. Τι τραμπίνεν λατσσές τουμαρέ παραδείγματα. Πριν τι χρησιμοποιήνεν εκ παράδειγμας, σκεφτίνεν:

1. α. “Ισί απλός ο παράδειγμας;”

2. β. “Κα αγαβέλ-λες εύκολα ο τζενό;”

3. γ. “Κα βοηθίνελ ι τζενές τι ντελ-πες γκοντί ο σημαντικός σημείος ή κα ατσσόλ λέσκε σάντε ο παράδειγμας;”