ΣΑΡ ΤΙ ΤΖΟΥΒΝΤΙΑΣ ΣΑΡ ΧΡΙΣΤΙΑΝΟΙ
Καζόμ Ζουρανί Ισί Τουμαρί Πίστη κι Ιεχωβάσκε Υποσχέσεις;
Εμ ο Ιησούς του Ναυή αλλά εμ ο Σολομών βακερντέ ότι σαρέ ο λάφια ι Ιεχωβάσκε νικίστιλεας μπαγιά. (Ιη 23:14· 1Βα 8:56) Ο λάφια οντουλέ ντουέ πιστέ μουρσένγκε βοηθίνενα-αμέν τι μπαριαράς αμαρί πίστη.—2Κο 13:1· Τιτ 1:2.
Σαρ κερντάς ο Ιεχωβά τι νικιόν μπαγιά λέσκε υποσχέσεις κο ντιβεσά σο τζουβντιόλας ο Ιησούς του Ναυή; Ντικχέν τουμαρέ φαμιλιάσαρ ι ταινία “Ούτε Ένας Λόγος Δεν Απέτυχε”. Σοράν συζητίνεν ο ερωτήσεις: (1) Σαρ μπορίνενα τι μοιάζεν κι Ραάβ σο σικαντάς πίστη οντουλέντζαρ σο κερέλας; (Εβρ 11:31· Ιακ 2:24-26) (2) Σαρ σικαβέλα ο παράδειγμας του Αχάν ότι οντουλά σο να ντένα καν οδηγίντιβενα κι καταστροφή; (3) Παρόλο σο ο μουρσά κι Γαβαών ισινέ πολεμιστές, σόσκε χουχαντέ τον Ιησού του Ναυή ντα κερντέ ειρήνη ι Ισραηλιτέντζαρ; (4) Σαρ νικίστιλο μπαγιά οντουβά σο βακερντάς ο Ιεχωβά όταν απειλιντέ ι Ισραηλιτέν παντς Αμορραίοι βασιλιάδες; (Ιη 10:5-14) (5) Σαρ βοηθιντάς-τουμέν ο Ιεχωβά επειδή τσσουβένα πρώτα τουμαρέ ζωγιάτε ι Βασιλεία ι Ντεβλέσκι ντα λέσκι δικαιοσύνη;—Ματ 6:33.
Όταν σκεφτίνασα σαρέ οντουλά σο κερντάς ο Ιεχωβά κο πουρανέ μπρεσά, οντουλά σο κερέλα ακανά ντα οντουλά σο κα κερέλ κο μέλλον, αμαρί πίστη ότι λέσκε υποσχέσεις κα νικιόν μπαγιά αβέλα πιο ζουρανί.—Ρω 8:31, 32.
Τθερένα πίστη σαρ οντιά σο τθερέλας ο Ιησούς του Ναυή;