Συγχώρηση Πριν τι Ντιντιόλ ο Λύτρος

Αμαρέ αμαρτίες μπορίνενα τι συγχωρίντιβεν σάντε αντράλ κατά λύτρος σο ποκιντάς ο Ιησούς πι ρατέσαρ. (Εφεσ. 1:7) Όμως, η Αγία Γραφή βακερέλα: «Ο Ντεβέλ, καζόμ κερέλας υπομονή, συγχωρίνελας ο αμαρτίες σο αβιλέ-πες κο παρελθόν», δηλαδή πριν τι ντελ ο Ιησούς ο λύτρος. (Ρωμ. 3:25) Σαρ μπορίνελας ο Ιεχωβά εμ τι κερέλ-λες ανταβά εμ τι συνεχίνελ τι αβέλ εκ δίκαιος Ντεβέλ;

Ο Ιεχωβά ντινάας πο λάφι τι ντελ εκχέ “προσαγγονίς” σο κα σώνελας οντουλέν σο κα τθερένας πίστη Λέστε ντα κο υποσχέσεις λέσκε. Κάνα ντινάς πο λάφι ανταλέσκε ισινέ σαρ τι ποκίντιλοας ήδη ο λύτρος. (Γέν. 3:15· 22:18) Ο Ντεβέλ ισινέ ντιπ σίγουρος ότι λέσκο Τσσαβό κα ντέλας ο λύτρος αντράλ πι γκίσταρ κο βακίτι σο μανγκέλας ο Ντεβέλ. (Γαλ. 4:4· Εβρ. 10:7-10) Κάνα ο Ιησούς ισινέ κι πφουβ, ο Ιεχωβά ντινάς-λες ι εξουσία τι συγχωρίνελ αμαρτίες πριν τι ντιντιόλ ο λύτρος. Ο Ιησούς μπορίνελας τι συγχωρίνελ ο αμαρτίες οντουλένγκε σο τθερένας πίστη επειδή τζανέλας ότι η θυσία σο κα ντέλας κα ιτσσαρέλας λένγκε αμαρτίες.​—Ματθ. 9:2-6.