1925​—Πριν από 100 Μπρεσά

Ο ΛΑΟΣ Ι ΝΤΕΒΛΕΣΚΟ ΧΡΕΙΑΖΙΝΤΙΒΕΛΑ ΤΙ ΜΠΕΚΛΕΝΤΙΝΕΛ ΓΙΑΒΕΡ-ΝΤΑ

Μπουτ Σπουδαστές ι Γραφιάκε πακιάνας ότι κο 1925 η πφουβ κα αβέλας Παράδεισος. Σόσκε; Ο πφραλ Άλμπερτ Σρόντερ, σο πο σοράν υπηρετιντάς κο Κυβερνών Σώμας, βακερντάς: «Πακιάας ότι κο 1925 ο χρισμέ σο ατσσιλέας κα τζάνας κο ουρανός ντα πιστά μουρσά, σαρ ο Αβραάμ ντα ο Δαβίδ, κα αναστίντιβενας ντα κα αρχίνενας τι οδηγίνεν ι τζενέν κι πφουβ». Επειδή ανταβά να αβιλό-πες, μερικά πφραλά ντα πφενιά στεναχωρισάλε.​—Παρ. 13:12.

Παρόλο σο στεναχωρισάλε, ο πο μπουτ Σπουδαστές ι Γραφιάκε συνεχίνενας τι κερέν ο έργος. Αρχισάλε τι αγαβέν ότι ο έργος ι Ιεχωβάσκο ισινέ ο πο σημαντικός πράγμας λένγκε ζωγιάτε. Ελάν τι σικλιάς σαρ χρησιμοποιηντέ ο ραδιόφωνος για τι κερέν έργος πο μπουτ τζενέντε.

Ο ΜΑΡΤΥΡΕΣ ΧΡΗΣΙΜΟΠΟΙΗΝΕΝΑ ΑΤΖΕ ΠΟ ΜΠΟΥΤ Ο ΡΑΔΙΟΦΩΝΟΣ ΓΙΑ ΤΙ ΚΕΡΕΝ ΕΡΓΟΣ

Κο 1924, μπουτ τζενέ ασουνένας κο ραδιόφωνος ο σταθμός WBBR. Όμως, κο 1925 ο Σπουδαστές ι Γραφιάκε λατσσαρντέ ατζέκ εκ σταθμός κο ραδιόφωνος, ανταγιά φαρ πασέ κο Σικάγος, κο Ιλινόις. Ο ναβ σο ντινάμ κο νεβό σταθμός ισινέ WORD (γουόρντ) σο μανγκέλα τι βακερέλ «λάφι». Ο Ραλφ Λέφλερ, σο βοηθιντάς τι αβέλ-πες ανταβά σταθμός βακερντάς ότι αρατί κάνα περέλας ο σιλ, τζενέ μπουτέ τθεμένταρ σο ισινέ ντουρ ασουνένας ανταβά σταθμός. Για παράδειγμας, εκ φαμιλί σο μπεσέλας κι Αλάσκα ντα ισινέ πο μπουτ από 5 χιλιάδες χιλιόμετρα ντουρ, ασουντάς εκ κατά πρώτες φορές σο κχελντάμ κο ραδιόφωνος. Σοράν ανταλέσταρ, η φαμιλί γραφιντάς εκ γράμμας οντουλένγκε σο κερένας μπουτί κο ραδιόφωνος για τι ευχαριστίνελ-λεν. Βακερντάς λένγκε ευχαριστώ σο ετοιμαντέ εκ πρόγραμμας σο ντινάς-λεν ζορ ντα βοηθιντάς-λεν τι σικλιόν πο μπουτ πράγματα ι Ντεβλέσκε ντα ι Γραφιάκε.

Η Σκοπιά 1 Δεκεμβρίου 1925 (15 Δεκεμβρίου 1925 κο μπαλαμανές) εξηγιντάς σόσκε αζόμ μπουτ τζενέ μπορίνενας τι ασουνέν ο πρόγραμμας. Βακερντάς: «Ο σταθμός ΛΑΦΙ ισί εκ κατά πο λατσσέ σταθμοί κο ραδιόφωνος κι Αμερική. Ο τζενέ σο ισί κι Κούβα ντα μέχρι οπρέ οπρέ κι Αλάσκα μπορίνενα τι ασουνέν ανταβά σταθμός κο ραδιόφωνος. Μπουτ τζενέ σο να ασουντέας ποτές για την αλήθεια μανγκένα τι σικλιόν πο μπουτ χάρη κο ραδιόφωνος ανταβά».

Αζομάν, ο Σπουδαστές ι Γραφιάκε μανγκένας εμ κο Καναδάς τι ασούντιβεν ο λατσσέ αμπέρια αντράλ κατά ραδιόφωνος. Κο 1924 κερντιλό ο σταθμός CHUC κο Σασκατούν του Σασκάτσιουαν. Ισινέ εκ κατά πρώτους ραδιοφωνικούς σταθμούς κο Καναδάς σο τθερένας τι κερέν ι θρησκειάσαρ. Κο 1925 ανταβά σταθμός έπρεπε τι τζαλ εκχέ γιαβερέ πο μπαρέ τθανέστε. Οτθάρ αμαρί οργάνωση κερντάς ο ραδιοφωνικός σταθμός κο Ρίτζεντ Μπίλντινγκ, σε εκ πουρανό θέατρος σο κιντέ-λες ντα λατσσαρντέ-λες ανταλέ μπουτιάκε.

Χάρη κο σταθμός ανταβά, μπουτ τζενέ σο τζουβντιόνας σε χουρντέ πόλεις ντα γκαβά κο Σασκάτσιουαν ασουντέ ο λατσσέ αμπέρια για πρώτη φαρ. Για παράδειγμας, σε εκ χουρντί πόλη, σο ισί ντουρ κατά μπαρέ πόλεις, εκ τζενί σο βακερένας λάκε Γκρέιαμ μπουτσσαντάς γράμμας για τι μανγκέλ έντυπα κάνα ασουντάς πρώτη φορά εκ πρόγραμμας αμαρό κατά ραδιόφωνος. Ο πφραλ Τζορτζ Νέις ντέλα-πες γκοντί: «Λάκε λάφια σικαβένας ότι μανγκέλας σουγκό βοήθεια, οτθάρ μπουτσσαντάμ λάκε σαρέ ο τόμοι κατά βιβλίος Γραφικαί Μελέται». Μπουτ σουγκό ανταγιά τζενί βακερέλας ο λατσσέ αμπέρια τθεμέντε σο ισινέ ατζέ πο ντουρ.

ΣΙΚΛΙΛΑΜ ΕΚ ΣΗΜΑΝΤΙΚΗ ΑΛΗΘΕΙΑ

Εκ κατά μαθήματα σο ισινέ κι Σκοπιά 1 Μαρτίου 1925 (15 Μαρτίου 1925 κο μπαλαμανές), τθερέλας ο θέμας: «Η Γέννησις του Έθνους». Σόσκε ανταβά μάθημας ισινέ αζόμ σημαντικός; Ο Σπουδαστές ι Γραφιάκε τζανένας ότι ο Μπενγκ κερέλας κουμάντος ι δαιμονέν, ο ψεύτικες θρησκείες, ο κυβερνήσεις ντα ο εμπορικός σύστημας. Όμως κο μάθημας ανταβά, «ο πιστός ντα γκοντιαβέρ δούλος» βοηθιντάς-αμέν τι αγαβάς ότι ο Ιεχωβά-ντα τθερέλα εκ οργάνωση, σο ισί ντιπ διαφορετική κατά οργάνωση ι Μπενγκέσκι ντα τζάλα κόντρα κο Μπενγκ ντα οντουλέντε σο ακολουθίνενα-λες. (Ματθ. 24:45) Επίσης, ο δούλος εξηγιντάς ότι ι Ντεβλέσκι Βασιλεία αρχισάλι κο 1914 ντα επειδή οντουβά μπρες «αβιλό τζένγκι κο ουρανός», ο Μπενγκ ντα λέσκε δαίμονες παλντίντιλε κατά ουρανός ντα ακανά ισί κι πφουβ.​—Αποκ. 12:7-9.

Κάποιοι Σπουδαστές ι Γραφιάκε να συμφωνίνενας ανταλέσαρ. Οτθάρ ο μάθημας ανταβά βακερέλας: «Άμα κάποιος σο διαβάνελα ι Σκοπιά του Πύργου να συμφωνίνελα οντουλέντζαρ σο βακερέλα ακατέ, τι κερέλ υπομονή, τι ντελ μπέσα κο Ιεχωβά ντα τι συνεχίνελ τι υπηρετίνελ-λες πιστά».

Ο Τομ Έιρ, εκ βιβλιοπώλης διάκονος (ακανά βακέρντιβελα σκαπανέας) κατά Βρετανία, βακερντάς σαρ νιωσάλε ο πο μπουτ Σπουδαστές ι Γραφιάκε οντουλένγκε σο γραφίντιλε κο μάθημας ανταβά: «Ο πφραλά λιντέ μπαρί χαρά σο εξηγίντιλο αντικάς ο κεφάλαιος 12 κι Αποκάλυψη. Κάνα αγαντάμ ότι η Βασιλεία αβιλίας κο ουρανός, ισινάμας μπουτ χαρούμενοι σο τθεράας τι βακεράς ανταλά λατσσέ αμπέρια γιαβερέντε. Ανταβά τσσιντιντάς-αμέν τι κεράς πο μπουτ έργος ντα βοηθιντάς-αμέν τι ντικχάς ότι ο Ιεχωβά κα κερέλ μπουτ σουκάρ πράγματα κο μέλλον».

ΝΤΑΣΑ ΜΑΡΤΥΡΙΑ Ι ΙΕΧΩΒΑΣΚΕ

Αντιβές, ο Μάρτυρες ι Ιεχωβάσκε τζανένα μπουτ λατσσές ο λάφια σο ισί κο εδάφιος Ησαΐας 43:10: «“Τουμέν ισινέν μο μάρτυρες”, βακερέλα ο Ιεχωβά, “βα, μο υπηρέτης σο τραμπιντόμ”». Όμως, πριν κατά 1925, ανταβά εδάφιος να χρησιμοποιήντιβελας μπουτ κο έντυπα αμαρέ. Αλλά να κα συνεχίνελας τι αβέλ-πες ανταβά. Κο 1925, Η Σκοπιά σε 11 περιοδικά σο νικαντάς κερέλας λάφι για το εδάφια Ησαΐας 43:10 ντα 12!

Κο Αύγουστος κο 1925, ο Σπουδαστές ι Γραφιάκε κερντέ εκ συνέλευση κι Ινδιανάπολη, κι Ιντιάνα. Οπράλ κο πρόγραμμας κι συνελευσιάκο ο πφραλ Ιωσήφ Φ. Ρόδερφορντ γραφιντάς ακαλά λάφια για τι καλωσορίνελ ι τζενέν: «Αβιλάμ κι συνέλευση για τι λας . . . ζορ κατά Κύριος ντα τι βουρτίνας παλάλ κο έργος πο ζουρανέ μάρτυρες λέσκε». Ο οχτώ-ντα ντιβεσά ανταλέ συνελευσιάκε, τσσουντέ λατσσές κι γκοντί οντουλένγκι σο ισινέ οτθέ τι κερέν λάφι ι Ιεχωβάσκε χωρίς τι χασαρέν καέκ ευκαιρία.

Κο Σάββατος 29 Αυγούστου, ο πφραλ Ρόδερφορντ κερντάς εκ ομιλία ι θεμάσαρ «Πρόσκλησις Προς Δράσιν». Πι ομιλιάτε, βακερντάς καζόμ σημαντικός ισί τι ντας μαρτυρία: «Ο Ιεχωβά βακερέλα πι λαόσκε . . . : “Τουμέν ισινέν μο μάρτυρες . . . ντα με ισινόμ ο Ντεβέλ”. Σοράν ντέλα-λεν εντολή ακαλέ ζουρανέ λαφίντζαρ: “Βάντεν εκ ταμπέλα για τι ντικχέν ο τζενέ”. Σαρέ κατά τζενέ οπράλ κι πφουβ, σάντε οντουλά σο τθερένα ο πνεύμας ι Ντεβλέσκο μπορίνενα τι κερέν λάφι ι Ντεβλέσκε επειδή ισί λέσκο λαός».​—Ησ. 43:12· 62:10.

Σοράν κατά ομιλία σο κερντάς ο πφραλ Ρόδερφορντ, σαρέ οντουλά σο ισινέ κι συνέλευση συμφωνιντέ με την απόφαση σο βακέρντιβελας «Άγγελμα Ελπίδος», σο βακερέλας ότι σάντε η Βασιλεία ι Ντεβλέσκι μπορίνελα τι ανέλ «ειρήνη, λατσσιπέ, υγεία, ζωή, ελευθερία ντα ευτυχία σο ατσσόλα». Ανταγιά απόφαση πο σοράν μεταφρασάλι μπουτέ τσσιμπέντε ντα τυπωσάλι σε εκ φυλλάδιος για τι χρησιμοποιήντιβελ κο έργος. Ντιντιλέ περίπου 40 εκατομμύρια φυλλάδια.

Ο Σπουδαστές ι Γραφιάκε για μπρεσά ατζέκ να λιντέας ο ναβ Μάρτυρες ι Ιεχωβάσκε. Όμως αρχισάλεας τι αγαβέν καζόμ σημαντικός ισινέ λένγκε τι κερέν λάφι ι Ιεχωβάσκε.

ΑΡΧΙΝΕΝΑ Ο ΕΠΑΝΕΠΙΣΚΕΨΕΙΣ ΟΝΤΟΥΛΕΝΓΚΕ ΣΟ ΕΝΔΙΑΦΕΡΙΝΤΙΒΕΝΑ

Καζόμ ο Σπουδαστές ι Γραφιάκε αβένας πο μπουτ σαρό κο ντουνιάς, βακέρντιβελας λένγκε ατζέ πο μπουτ τι τζαν πάλι τι κερέν λάφι οντουλένγκε σο σικαντέας ενδιαφέρον ι λατσσέ αμπερίνγκε. Σοράν κατά εκστρατεία σο κερντέ για τι ντεν ο φυλλάδιος Άγγελμα Ελπίδος, ο Δελτίον (Bulletin)a βακερέλας: «Τζαν πάλι ντα κερέν λάφι κο τζενέ σο λιντέ ο φυλλάδιος Άγγελμα Ελπίδος».

Ο Δελτίον Ιανουάριος 1925 τθερέλας ακαλά λάφια σο βακερντάς εκ πφραλ σο ισινέ κατά Τέξας: «Ατσσιλάμ πουταρντέ μόσαρ κάνα κερντάμ ο επανεπισκέψεις κο τθεμά σο γκιλάμας πο τζανγκλέ, επειδή τθεράας λατσσέ αποτελέσματα. Σε εκ χουρντί πόλη κο τομέας αμαρό ο λατσσέ αμπέρια ασούντιλε παντς φαρ κο τελευταία ντες μπρεσά. . . . Ακανά τελευταία, η πφεν Χέντριξ ντα μι ντάι γκιλέ πάλι τι κερέν έργος οτθέ ντα ντινέ πο μπουτ βιβλία από ποτές».

Ko τθεμ Παναμάς, εκ βιβλιοπώλης διάκονος γραφιντάς: «Μπουτ τζενέ σο παλντιντέας-μαν πουμαρέ πορτάταρ να τθερένα ι ίδια αντίδραση κάνα τζάβα δεύτερη ή τρίτη φαρ. Ανταβά μπρες, τζάβα πο μπουτ κο τζενέ σο γκιλόμας κάποια στιγμή πο τζανγκλέ, ντα ο συζητήσεις σο κεράβα μερικέ ανταλέ τζενέντζαρ ισί μπουτ σουκάρ».

ΝΤΙΚΧΑΣΑ ΑΝΓΚΛΑΛ

Κι επιστολή σο γραφίνελας κάθε μπρες σαρέ κο βιβλιοπώλες διάκονοι, ο πφραλ Ρόδερφορντ βακερντάς χάνικ λαφίντζαρ οντουλά σο αβιλέ-πες κο έργος οντουβά μπρες ντα κερντάς λάφι πο μπουτ ι εργόσκε σο τθερένας ανγκλά-πουμέντε. Βακερντάς: «Αντρέ ανταλέ μπρεσέστε, τθερένας ο προνόμιος τι λοκχιαρέν μπουτέ τζενένγκο γκι. Ανταβά έργος αντάς χαρά τουμαρέ γκίστε . . . Ο μπρες σο αβέλα κα ντελ-τουμέν μπουτ ευκαιρίες τι ντεν μαρτυρία ι Ντεβλέσκε ντα λέσκε Βασιλειάκε ντα τι σικαβέν κο λαοί κον ισί μπαγιά λέσκε υπηρέτες. . . . Ελάν τι συνεχίνας γιεκ τι βάντας αμαρί φωνή ντα τι ντας δόξα αμαρέ Ντεβλέστε ντα αμαρέ Βασιλιάστε».

Κο τέλος του 1925, ο πφραλά σκεφτίνενας σαρ κα μπορίνενας τι κερέν ο κτίριος του Μπέθελ κο Μπρούκλιν πο μπαρό. Κο 1926 η οργάνωση ι Ιεχωβάσκι κα αρχίνελας τι κερέλ ι πο μπαρί μπουτί σο κερντάας ποτές για τι χτίνελ εκ κτίριος.