Σαρ Ισινέ ι Ζωή κο Παράδεισος;

Ο Ιεχωβά ντινάς κο Αδάμ ντα κι Εύα μπουτ λατσέ πράματα. Γένεση 1:28

Ι πρώτη τζουβέλ σο κερντάς ο Ιεχωβά ισί ι Εύα. Σοράν, ντινάς-λα κο Αδάμ, για τι αβέλ λέσκι ρομνί.​—Γένεση 2:​21, 22.

Ο Ιεχωβά ντινάς-λεν τέλεια γκοντί ντα σώμας, χωρίς καέκ ελάττωμας.

Τσουντάς-λεν τι μπεσέν κο παράδεισος σο ισινέ κο κήπος της Εδέμ​—εκ μπουτ σουκάρ τθαν σο τθερέλας εκ λεν, δέντρα ντα ζώα.

Ο Ιεχωβά κερέλας λέντζαρ λάφι ντα σικλιαρέλας-λεν. Άμα κα ασουνένας-λες, κα τζουβντιόνας για πάντα κο Παράδεισος κι πφουβ.

Ο Ντεβέλ σικαντάς λέγκε εκ δέντρος ντα βακερντάς μα τι χαν λέσταρ. Γένεση 2:​16, 17

Ο Ιεχωβά σικαντάς κο Αδάμ ντα κι Εύα εκ δέντρος κο κήπος ντα βακερντάς λέγκε ότι, αν κα χάνας οντουλέσταρ, κα μερένας.

Γιεκ άγγελος γκιλό κόντρα ι Ντεβλέσαρ. Οντουβά ο πφιρνό άγγελος ισί ο Μπενγκ, ο Σατανάς ο Διάβολος.

Ο Μπενγκ να μαγκέλας τι ασουνέν ο Αδάμ ντα ι Εύα κο Ιεχωβά. Οτθάρ, μπιτσαντάς εκχέ σαπές για τι βακερέλ κι Εύα ότι, άμα κα χάλας κατάρ καρπός οντουλέ δεντρόσταρ, να κα μερέλας αλλά κα αβέλας σαρ κο Ντεβέλ. Οντουβά σο βακερντάς λάκε ισινέ χουχαϊπέ.​—Γένεση 3:​1-5.