Χαιρίνασα σο Τζανάσα εκ Μυστικός

Βακερντάς τούκε ποτές καέκ τζενό εκ μυστικός;​—a Η Αγία Γραφή κερέλα λάφι για εκ μπουτ σημαντικός μυστικός, «ο ιερός μυστικός». Βακέρντιβελα ιερός επειδή βακερντάς-λες ο Ντεβέλ. Ντα ισί μυστικός επειδή ο τζενέ να τζανένας-λες. Ατζέ-ντα ο άγγελοι μανγκένας τι σικλιόν πιο μπουτ ανταλέ μυστικόσκε. Μανγκέσα τι σικλιός καβά ισί;​—

Πριν από μπουτ μπρεσά, ο Ντεβέλ κερντάς ι πρώτε μουρσές ντα ι πρώτε τζουβλιά, σο ισινέ ο Αδάμ ντα η Εύα. Ντινάς-λεν εκ σουκάρ κχερ σο βακέρντιβελας κήπος της Εδέμ. Άμα ντινέας καν ι Ντεβλές, βον ντα λένγκε τσσαβέ κα κερένας σαρί ι πφουβ παράδεισος, σαρ ισινέ οντουβά κήπος. Επίσης, κα τζουβντιόνας κο Παράδεισος για πάντα. Ντέσα-τουτ γκοντί, όμως, σο κερντάς ο Αδάμ ντα η Εύα;​—

Επειδή ο Αδάμ ντα η Εύα να ασουντέ ι Ντεβλές, αμέν αντιβές να τζουβντιάσα σε εκ παράδεισος. Αλλά ο Ντεβέλ βακερντάς ότι κα κερέλας σουκάρ σαρί ι πφουβ, ντα σαρέ κα τζουβντιόνας για πάντα ντα κα αβένας ευτυχισμέ. Σαρ κα κερέλας-λες ανταβά; Για μπουτ μπρεσά, ο τζενέ να τζανένας. Ισινέ μυστικός.

Όταν ο Ιησούς αβιλό κι πφουβ, σικλιαρντάς ι τζενέν πιο μπουτ ανταλέ μυστικόσκε. Εξηγιντάς ότι τθερέλας τι κερέλ με τη Βασιλεία ι Ντεβλέσκι. Ο Ιησούς βακερντάς τι προσευχίντιβας τι αβέλ ανταγιά Βασιλεία, σο κα κερέλ σαρί ι πφουβ εκ σουκάρ παράδεισος.

Χαιρίνεσα σο τζανέσα ανταβά μυστικός;​—Τι τθερές τι γκοντιάτε ότι σάντε οντουλά σο ασουνένα ι Ιεχωβάς κα τζουβντιόν κο Παράδεισος. Η Αγία Γραφή βακερέλα αμένγκε μπερεκέτι ιστορίες μουρσένγκε ντα τζουβλιένγκε σο ασουνένας ι Ιεχωβάς. Μανγκέσα τι σικλιός λένγκε;​— Για τι ντικχάς κον ισινέ μερικοί ντα σαρ μπορίνασα τι μοιάζας λέντε.