Ο Λατσσέ Αμπέρια Βακέρντιβενα Μπουτέ Τθεμέντε

Ο απόστολοι ντινέ καν κι εντολή κι Ιησούσκι τι τζαν τι βακερέν ο λατσσέ αμπέρια σαρί κι πφουβ. Κο 47 Κ.Χ., ο πφραλά κι Αντιόχεια μπουτσσαντέ ι Παυλός ντα ι Βαρναβάς τι κερέν εκ ταξίδι για τι βακερέν ο λατσσέ αμπέρια. Ανταλά ντούι γκιλέ σαρί κι Μικρά Ασία, σε πόλεις σαρ ισί η Δέρβη, ο Λύστρα ντα ο Ικόνιος.

Ο Παύλος ντα ο Βαρνάβας κερένας έργος σαριλέντε, κο χουλανέ, κο τσορορέ, κο χουρντέ ντα κο μπαρέ. Μπουτ τζενέ δεχτιντέ ι αλήθεια ι Χριστόσκε. Κάνα ο Παύλος ντα ο Βαρνάβας βακερντέ ο λατσσέ αμπέρια κο Σέργιος Παύλος, σο ισινέ κυβερνήτης κι Κύπρος, εκ μάγος προσπαθιντάς τι τσσιναβέλ-λεν. Ο Παύλος βακερντάς λέσκε: “Ο Ιεχωβά κα τιμωρίνελ-τουτ”. Αμέσως, ο μάγος κορόλιλο. Κάνα ντικχλάς-λες ανταβά, ο κυβερνήτης Σέργιος Παύλος αβιλό πιστός.

Ο Παύλος ντα ο Βαρνάβας κερένας έργος παντού, κχερ κχερέστε, κο αγορές, κο ντρομά ντα κο συναγωγές. Κάνα κερντέ λατσσές εκχέ μπανγκές κο Λύστρα, σαρέ οντουλά σο ντικχλέ ο θαύμας αμντισάλε ότι ο κάθε εκ λένταρ ισινέ ντεβέλ ντα προσπαθιντέ τι ντεν-λεν λατρεία. Αλλά ο Παύλος ντα ο Βαρνάβας τσσιναντέ-λεν ακαλέ λαφίντζαρ: “Σάντε κο Ντεβέλ τι ντεν λατρεία! Αμέν ισινάμ απλά τζενέ”. Αζομάν γκιλέ κάποιοι Ιουδαίοι ντα κερντέ μπουτέ τζενέν τι τζαν κόντρα κο Παύλος. Ανταλά τζενέ φουρτιντέ μπαρά οπράλ κο Παύλος, νικαντέ-λες σβάρνα αβρί κατά πόλη ντα μουκχλέ-λες οτθέ σόσκε αμντισάλεας ότι ισινέ μουλό. Αλλά ο Παύλος ισινέ ατζέ τζουβντό! Αμέσως, γκιλέ ο πφραλά για τι βοηθίνεν-λες ντα γκερντέ-λες παλάλ κι πόλη. Σοράν, ο Παύλος βουρτισάλο κι Αντιόχεια.

Κο 49 Κ.Χ., ο Παύλος κερντάς εκ γιαβέρ ταξίδι για τι βακερέλ ο λατσσέ αμπέρια. Αφού πρώτα γκιλό τι ντικχέλ ι πφραλέν κι Μικρά Ασία, γκιλό τι βακερέλ ο λατσσέ αμπέρια ατζέ πο ντουρ, κι Ευρώπη. Γκιλό κι Αθήνα, κι Έφεσος, κο Φιλίππους, κι Θεσσαλονίκη ντα γιαβερέ τθεμέντε. Ο Σίλας, ο Λουκάς ντα εκ τερνό, ο Τιμόθεος, γκιλέ παλάλ κο Παύλος. Σαρέ γιεκ βοηθιντέ τι κερντιόν νεβέ κχανγκιριά ντα βοηθιντέ-λεν τι αβέν πνευματικά ζουρανέ. Ο Παύλος μπεσλό κι Κόρινθος ενάμιση μπρες, ντα ντέλας ζορ ι πφραλέν οτθέ. Μουτθαβέλας ο λατσσέ αμπέρια, σικλιαρέλας ντα γραφιντάς επιστολές μπουτέ κχανγκιρίντε. Επίσης, η μπουτί σο κερέλας οτθέ ισινέ τι λατσσαρέλ τσαντίρια. Εκ ντιβές βουρτισάλο κι Αντιόχεια.

Πο σοράν, κο 52 Κ.Χ., ο Παύλος κερντάς εκ τρίτος ταξίδι για τι βακερέλ ο λατσσέ αμπέρια. Αρχιντάς κατά Μικρά Ασία. Γκιλό βόρεια μέχρι κο Φιλίππους ντα σοράν γκιλό κι Κόρινθος. Ο Παύλος μπεσλό μερικά μπρεσά κι Έφεσος, σο οτθέ σικλιαρέλας, κερέλας λατσσές ι τζενέν ντα βοηθίνελας ι κχανγκιρί. Επίσης κερέλας κάθε ντιβές ομιλίες εκχέ αιθουσάτε σο τθερέλας εκ σχολή. Μπουτ τζενέ ασουντέ ντα αλλαντέ πουμαρί ζωή. Κο τέλος, αφού βακερντάς ο λατσσέ αμπέρια μπουτέ τθεμέντε, ο Παύλος γκιλό κι Ιερουσαλήμ.