Πφαμπόν ι Γιαβερένγκε

Σο Κερντάς ο Ιησούς

ΒΙΝΤΕΟΣ: Ο Ιησούς ντα η Τζουβέλ κι Χανίνγκ

1. Ντικχέν ο ΒΙΝΤΕΟΣ ή διαβάνεν Ιωάννης 4:​6⁠-9. Σοράν σκεφτίνεν ο ερωτήσεις:

1. α. Σο ντικχλάς ο Ιησούς ανταλέ τζουβλιάτε πριν τι αρχίνελ ι συζήτηση;

2. β. Ο Ιησούς βακερντάς: «Ντε-μαν τι πιαβ». Σόσκε ανταβά ισινέ εκ λατσσό τρόπος για τι αρχίνελ ι συζήτηση;

Σο Σικλιάσα Κατά Ιησούς;

2. Ο πο μπουτ φαρ κα κεράς εκ λατσσί συζήτηση άμα κα αρχίνας εκχέ θεμάσαρ σο μανγκέλα τι συζητίνελ ο τζενό.

Μοιάζεν κο Ιησούς

3. Τι αβέν έτοιμοι τι αλλάνεν. Μα τι χαλ-τουμέν ανάγκη τι αρχίνεν συζήτηση ι θεμάσκε σο τθερένα τουμέν τουμαρέ γκοντιάτε. Αρχίνεν εκχέ θεμάσαρ σο απασχολίνελα ι γιαβερέν αντιβές. Σκεφτίνεν:

1. α. “Σο βακερένα κο ειδήσεις;”

2. β. “Καλέ πραγμάσκε κερένα λάφι μο γείτονες, ο τζενέ σο κεράβα λέντζαρ μπουτί ή μο συμμαθητές;”

4. Τι ντικχέν προσεκτικά. Σκεφτίνεν:

1. α. “Σο κερέλα ακανά ο τζενό; Σο μπορεί τι σκεφτίνελα;”

2. β. “Σο σικαβένα μάνγκε ο σέα, η εμφάνιση ντα ο κχερ ι τζενέσκο οντουλένγκε σο πακιάλα ή λέσκε κουλτουράκε;”

3. γ. “Ισί λατσσί στιγμή τι κεράβ λάφι κο τζενό;”

5. Τι ασουνέν.

1. α. Μα κερέν μπουτ λάφι.

2. β. Τσσίντεν ι τζενές τι κερέλ λάφι. Κάνα ισί λατσσό, κερέν λέσκε ερωτήσεις.