Σικαβέν Λατσσιπέ

Σο Κερντάς ο Ιησούς

ΒΙΝΤΕΟΣ: Ο Ιησούς Κερέλα Λατσσές Εκχέ Κορορές

1. Ντικχέν ο ΒΙΝΤΕΟΣ ή διαβάνεν Ιωάννης 9:​1⁠-7. Σοράν σκεφτίνεν ο ερωτήσεις:

1. α. Σο κερντάς πρώτα ο Ιησούς, κερντάς λατσσές ι κορορές ή βακερντάς λέσκε ο λατσσέ αμπέρια;​—Ντικχέν Ιωάννης 9:​35⁠-38.

2. β. Σόσκε πακιάνα ότι ο τζενό μανγκέλας τι ασουνέλ ι Ιησούς;

Σο Σικλιάσα Κατά Ιησούς;

2. Ο πο μπουτ φαρ, ο τζενό κα μανγκέλ τι ασουνέλ ο λατσσέ αμπέρια άμα κα αγαβέλ ότι πφαμπάσα λέσκε.

Μοιάζεν κο Ιησούς

3. Προσπαθίνεν τι αγαβέν σαρ νιωθίνελα ο τζενό.

1. α. Σκεφτίνεν: “Καλά ανησυχίες τθερέλα; Σο μπορίνελα τι βοηθίνελ-λες ντα τι ταρτίνελ-λες;” Ανταβά κα βοηθίνελ-τουμέν τι σικαβέν λατσσιπέ επειδή νικιόλα τουμένταρ.

2. β. Ασουνέν-λες. Κάνα κερένα-λες ανταβά, σικαβένα ότι μανγκένα τι σικλιόν οντουβά σο ισί σημαντικός λέσκε. Άμα κα βακερέλ τουμένγκε σαρ νιωθίνελα εκχέ πραγμάσκε ή κα πουτρέλ τουμένγκε εκχέ προβλημάσκε σο νακχέλα, μα αλλάνεν θέμας.

4. Τι κερέν λάφι λατσσιμάσαρ ντα με σεβασμός. Άμα πφαμπόνα εκχέ τζενέσκε ντα μανγκένα μπαγιά τι βοηθίνεν-λες, ανταβά κα σικάντιβελ κο τρόπος σο κερένα λάφι λέσαρ. Τι τραμπίνεν λατσσές τουμαρέ λάφια ντα ο τρόπος σο κα βακερέν-λεν. Μα βακερέν πράγματα σο κα μπορίνενας τι προσβαλίνεν ι τζενές.

5. Τι ντεν βοήθεια. Τι ρόντεν λατσσέ ευκαιρίες για τι κερέν πράγματα ι τζενέσκε. Κάνα σικαβάσα λατσσιπέ εκχέ τζενέσκε, ανταβά μπορεί τι πουτρέλ ο ντρομ για τι κερέλ λάφι αμέντζαρ.