Τι Τθερέν Τουμαρί Γκοντί Πουταρντί Κάνα Σικλιαρένα-τουμέν

Καζόμ ετοιμάνασα-αμέν για τι διαβάνας, κα μπορίναας τι πουτσάς αμαρό νεαυτός: “Σο μπεκλεντίναβα τι σικλιάβ;” Όμως, πρέπει τι ντας-αμέν γκοντί ότι παρόλο σο μπεκλεντίνασα ότι κα σικλιάς κάτι συγκεκριμέ, μπέκιμ ο Ιεχωβά μανγκέλα τι σικλιαρέλ-αμέν κάτι νεβό. Σαρ μπορίνασα τι τθεράς αμαρί γκοντί πουταρντί κάνα διαβάνασα;

Τι προσευχίντιβεν για σοφία. Μανγκέν κατά Ιεχωβά τι βοηθίνελ-τουμέν τι αγαβέν σο μανγκέλα τι σικλιόν ακανά. (Ιακ. 1:5) Μα στηρίντιβεν σάντε οντουλέντε σο τζανένα.—Παρ. 3:5, 6.

Τι μουκχέν ι ζορ ι Γραφιάκι τι επηρεάνελ-τουμέν. «Ο λάφι ι Ντεβλέσκο ισί τζουβντό». (Εβρ. 4:12) Ο τζουβντό «λάφι» ι Ντεβλέσκο μπορίνελα τι επηρεάνελ-αμέν διαφορετικά κάθε φαρ σο διαβάνασα ι Αγία Γραφή. Αλλά ανταβά αβέλα-πες σάντε άμα τθεράσα αμαρί γκοντί πουταρντί οντουλέντε σο μπέκιμ τι σικλιάς καζόμ διαβάνασα.

Τι εκτιμίνεν σαρέ οντουλά σο ισί κο τραπέζι κι Ιεχωβάσκο. Ο πνευματικός χαμπέ λέσκο ισί σαρ «τραπέζι μπουτέ χαμπιματέντζαρ». (Ησ. 25:6) Μα σακιντίνεν τι χαν «χαμπίματα» σο αμντίνενα ότι να κα μπεϊντίνεν-λεν. Να κα ντικχέν σάντε λατσσιπέ, αλλά κα μπεϊντίνεν-ντα μπουτ ο πνευματικός χαμπέ σο ντέλα-τουμέν ο Ντεβέλ!