Σαρ η Προσωπική Μελέτη ι Γραφιάκι Κα Ανέλ Τουμένγκε Χαρά ντα Λατσσέ Αποτελέσματα

Ο Ιησούς του Ναυή διαβάνελα ο Νόμος· ο ντουβάρια της Ιεριχώς περένα ντα ο κχερ της Ραάβ ατσσόλα σταθερός· ο Ιησούς του Ναυή βάντελα πο βαστά οπρέ κο ουρανός κι προσευχή

Ο ΙΗΣΟΥΣ ΤΟΥ ΝΑΥΗ έπρεπε τι οδηγίνελ ι Ισραηλιτένγκο λαός κο Υποσχεμέ Τθεμ. Ανταβά κα αβέλας μπουτ δύσκολος. Όμως ο Ιεχωβά ντινάς-λες ζορ ντα θάρρος κάνα βακερντάς λέσκε: «Τι τθερές θάρρος ντα τι αβές μπουτ ζουρανό». Βακερντάς κο Ιησούς του Ναυή ότι άμα κα διαβάνελας ντα κα κερέλας οντουλά σο βακερέλας ο Νόμος, κα λέλας λατσσέ αποφάσεις ντα κα τθερέλας επιτυχία.—Ιησούς του Ναυή 1:7, 8.

Ο Ντιβεσά σο τζουβντιάσα ισί «δύσκολα ντα επικίνδυνα», οντουλέσκε μπορεί τι τθεράσα αμαρέ ζωγιάτε δυσκολίες. (2 Τιμόθεο 3:1) Άμα μανγκάσα τι τθεράς επιτυχία σαρ ο Ιησούς του Ναυή, χρειαζίντιβελα τι κεράς ι συμβουλή σο ντινάς-λες ο Ιεχωβά. Χρειαζίντιβελα τι διαβάνας κάθε ντιβές ι Γραφή ντα τι χρησιμοποιήνας οντουλά σο σικλιάσα για τι λας λατσσέ αποφάσεις.

Όμως, μπουτ αμένταρ μπορεί μα τι τζανάσα ο σωστός τρόπος τι κεράς προσωπική μελέτη, ή μπορεί μα τι απολαμβάνας-λα. Αλλά, η προσωπική μελέτη ι Γραφιάκι ισί μπουτ σημαντική. Κο πλαίσιος «Σο Μπορίνενα τι Κερέν», κα αρακχέν μερικές ιδέες σο κα βοηθίνεν-τουμέν τι ωφελίντιβεν κατά προσωπική μελέτη ντα τι απολαμβάνεν-λα ατζέ πιο μπουτ.

Ο ψαλμωδός βακερντάς: «Οδήγινε-μαν κο ντρομ σο ισί το εντολές, σόσκε λέστε αρακχάβα χαρά». (Ψαλμός 119:35) Μπορίνενα τουμέν-ντα τι αρακχέν μπαρί χαρά κάνα κερένα προσωπική μελέτη κατά Λάφι ι Ντεβλέσκο. Κα αρακχέν μπουτ σουκάρ σκέψεις καζόμ συνεχίνενα τουμαρί προσωπική μελέτη κατά Γραφή.

Παρόλο σο να τθερένα ι ευθύνη τι οδηγίνεν εκχέ λαός σαρ ο Ιησούς του Ναυή, τθερένα τουμαρέ δυσκολίες. Οτθάρ, σαρ ο Ιησούς του Ναυή, τι κερέν προσωπική μελέτη ντα τι εφαρμόνεν οντουλά σο ισί αντρέ κο Λάφι κι Ντεβλέσκο. Άμα κερένα-λες ανταβά, κα λεν σοφές αποφάσεις ντα κα τθερέν επιτυχία.

ΣΟ ΜΠΟΡΙΝΕΝΑ ΤΙ ΚΕΡΕΝ

Τι αρχίνεν με εκ προσευχή. Η Γραφή τθερέλα ο σκέψεις ι Ιεχωβάσκε, ντα γραφίντιλε αμαρέ λατσσιμάσκε. Άρα κάνα διαβάνενα ι Γραφή, μανγκέν κατά Ιεχωβά τι βοηθίνελ-τουμέν τι αγαβέν οντουλά σο διαβάνενα, τι ντεν-λεν γκοντί ντα τι χρησιμοποιήνεν-λεν για τι λεν λατσσέ αποφάσεις τουμαρέ ζωγιάτε.—Έσδρας 7:10.
Τι κερέν ερωτήσεις τουμαρέ νεαυτόσκε ενώ διαβάνενα ι Γραφή ή ο έντυπα σο βασίντιβενα κι Γραφή. Για παράδειγμας: “Σο βακερέλα μάνγκε ανταβά σο διαβάναβα ι Ιεχωβάσκε; Σαρ ταιριάνελα με το θέμας ι Γραφιάκο; Σαρ μπορίναβα τι χρησιμοποιήναβ ανταλά σκέψεις για τι βοηθίναβ ι γιαβερέν;”
Τι σκεφτίνεν οντουλά σο διαβάνενα. Σταματίνεν για χάνικ ο διάβασμας ντα σκεφτίνεν οντουβά σο διαβάνενα. Πουτσέν τουμαρό νεαυτός: “Σαρ κερέλα-μαν τι νιωθίναβ ανταβά; Σόσκε κερέλα-μαν τι νιωθίναβ αντικάς; Σο σχέση τθερέλα οντουλέντζαρ σο νακχλόμας κο παρελθόν, οντουλέντζαρ σο νακχάβα ακανά ή οντουλέντζαρ σο μπορεί τι νακχάβ κο μέλλον; Σαρ μπορίναβα τι κεράβ μι ζωγιάτε ο αρχές ή ο συμβουλές ι Γραφιάκε;” (Ιώβ 23:5· Ψαλμός 49:3) Όταν σκεφτίνενα, ντικχέν άμα μπορίνενα τι εξηγίνεν σόσκε ο Ιεχωβά βακερέλα πι λαόσκε μα τι κερέλ κάποια συγκεκριμέ πράγματα. Ή σκεφτίνεν καλά κα αβένας ο αποτελέσματα ι τζενέσκε σο διαβαντέν άμα κα κερέλας κάτι διαφορετικός.—Δευτερονόμιο 32:28, 29.
Τι χρησιμοποιήνεν τουμαρί φαντασία κάνα διαβάνενα. Για παράδειγμας, μπορίνενα τι σκεφτίνεν σαρ ισινέ ο πράγματα κάνα ο πφραλά του Ιωσήφ μπικιντέ-λες κο Ισμαηλίτες; (Γένεση 37:18-28) Σο ντικχένα, σο ασουνένα, σο σουνγκένα; Τσσουβέν τουμαρό νεαυτός κι θέση οντουλένγκι σο ισί κι ιστορία. Σο σκεφτίνενας ντα σο αισθάντιβενας; Κάνα χρησιμοποιήνεσα τι φαντασία, κα μπεϊντίνες ατζέ πιο μπουτ τι προσωπική μελέτη.
Τι χρησιμοποιήνεν ο εργαλεία για το διάβασμας σο ντέλα η οργάνωση. Ανταλά εργαλεία μπορίνενα τι βοηθίνεν-τουμέν τι αρακχέν μπουτ σημαντικά πράγματα. Σικλιόν σαρ τι χρησιμοποιήνεν ο εργαλεία σο υπαρχίντιβενα τουμαρέ τσσιμπάτε, είτε από εκ ηλεκτρονική συσκευή είτε από εκ βιβλίος. Μα λατζάν τι μανγκέν βοήθεια κατά γιαβερά για τι σικλιόν τι χρησιμοποιήνεν-λεν σωστά. Για παράδειγμας, ο Ευρετήριο Εκδόσεων Σκοπιάς ή ο Οδηγός Έρευνας για τους Μάρτυρες του Ιεχωβά κα βοηθίνεν-τουμέν τι αρακχέν θέματα μπουτέ πραγματένγκε ντα εξηγίνενα μπουτ εδάφια σο ισί κι Γραφή. Τι χρησιμοποιήνεν ο παραρτήματα της Μετάφρασης Νέου Κόσμου άμα ισί εκχέ τσσιμπάτε σο τζανένα. Ανταλά τθερένα σημαντικές πληροφορίες για τη γεωγραφία, ι μπρεσένγκε σο αβιλέ-πες κάποια πράγματα, για το τρόπος σο γκιντιόνας ο μέτρα ντα ο βάρη ντα γιαβερέ πραγματένγκε.
Τι ανέν πάλι τουμαρέ γκοντιάτε ο σημαντικά σημεία. Ανταβά κα βοηθίνελ-τουμέν τι ντεν-τουμέν γκοντί οντουλά σο διαβαντέν. Ατζέ πιο λατσσές, βακερέν κο γιαβερά οντουλά σο σικλιλέν. Μήπως κάποια ανταλένταρ κα μπορίνενας τι χρησιμοποιήνεν-λεν κο έργος; Άμα κερένα ανταλά πράγματα, κα ντεν-τουμέν γκοντί ο σημαντικά σημεία ντα κα βοηθίνεν ι γιαβερέν-ντα τι ωφελίντιβεν κατά προσωπική μελέτη σο κερένα.