ΜΑΘΗΜΑΣ 17
Σο Χαρακτήρας Τθερέλα ο Ιησούς;
Κάνα σικλιάσα οντουλά σο βακερντάς ντα κερντάς ο Ιησούς αζομάν σο ισινέ κι πφουβ, κα αρακχάς σο λατσσίματα τθερέλας ντα κα μανγκάς τι αβάς εμ λέσκε αμαλά εμ λέσκε Νταντέσκε, ι Ιεχωβάσκε. Καλά ισί ανταλά λατσσίματα; Ντα σαρ μπορίνασα αμέν τι μοιάζας κο Ιησούς;
1. Καλέ πραγματέντε μοιάζελα ο Ιησούς πι Νταντέσαρ;
Κο ουρανός, ο Ιησούς ντικχέλας πι λατσσέ Νταντές ντα σικλιόλας λέσταρ για δισεκατομμύρια μπρεσά. Οτθάρ, σκεφτίνελα, νιωθίνελα ντα κερέλα ντιπ σο κερέλα λέσκο Ντατ. (Διαβάνεν Ιωάννης 5:19) Ο Ιησούς τθερέλα αζόμ ίδιος χαρακτήρας πι Νταντέσαρ, σο βακερντάς: «Οντουβά σο τθερέλα ντικχλό μαν τθερέλα ντικχλό ι Νταντές-ντα». (Ιωάννης 14:9) Καζόμ πο λατσσές κα σικλιός ο χαρακτήρας ι Ιησούσκο, αζόμ πο λατσσές κα σικλιός ι Ιεχωβάς. Για παράδειγμας, ο Ιησούς πφαμπόλας ι τζενένγκε ντα ανταβά σικαβέλα σαρ νιωθίνελα ο Ιεχωβά τούκε.
2. Σαρ σικαντάς ο Ιησούς ότι μανγκέλα ι Ιεχωβάς;
Ο Ιησούς βακερντάς: «Για τι σικλιόλ ο ντουνιάς ότι μανγκάβα ι Νταντές, κεράβα ντιπ οντουβά σο βακερντάς μάνγκε ο Ντατ τι κεράβ». (Ιωάννης 14:31) Κάνα ο Ιησούς ισινέ κι πφουβ, ντέλας καν πι Νταντές ατζέ-ντα κάνα ανταβά ισινέ πφαρό λέσκε ντα αντικάς σικαντάς καζόμ μανγκέλας-Λες. Επίσης, μπεϊντίνελας τι κερέλ λάφι κο γιαβερά πι Νταντέσκε ντα τι βοηθίνελ-λεν τι αβέν αμαλά Λέσαρ.—Ιωάννης 14:23.
3. Σαρ σικαντάς ο Ιησούς ότι μανγκέλα ι τζενέν;
Η Γραφή βακερέλα ότι ο Ιησούς “αρακχέλα μπουτ μπαρί χαρά κο τζενέ”. (Παροιμίες 8:31) Ο Ιησούς σικαβέλας μανγκιπέ, ή γιαβέρτουλους αγάπη, ι τζενένγκε κάνα ντέλας-λεν ζορ ντα κάνα βοηθίνελας-λεν χωρίς τι ντικχέλ πο νεαυτός. Λέσκε θαύματα να σικαβένας σάντε καζόμ ζουρανό ισινέ, αλλά καζόμ αγαβέλας-ντα λένγκι ντουκχ. (Μάρκος 1:40-42) Σικαβέλας λατσσιπέ κο τζενέ ντα να ξεχωρίνελας καεκχές. Λέσκε λάφια ντένας-λεν ελπίδα ντα λοκχιαρένας ο γκιά σαρέ οντουλένγκε σο ασουνένας-λες. Ο Ιησούς ισινέ έτοιμος τι τσσίντελ μπουτ ντα τι μερέλ επειδή μανγκέλα σαρέ ι ντουνιάς. Μανγκέλα όμως ατζέ πο μπουτ οντουλέν σο ντένα καν λέσκε λαφίντε.—Διαβάνεν Ιωάννης 15:13, 14.
ΧΑΝΤΖΟΥΒ ΠΟ ΑΧΟΡΤ
Σίκλιουβ πο μπουτ ι Ιησούσκε. Επίσης, ντικχ σαρ μπορίνεσα τι σικαβές μανγκιπέ ντα τι ντες αντράλ τι γκίσταρ σαρ βοβ.
4. Ο Ιησούς μανγκέλα πι Νταντές
Ο Ιησούς σικλιαρέλα-αμέν σαρ τι σικαβάς αμαρό μανγκιπέ κο Ντεβέλ. Διαβάνεν Λουκάς 6:12 ντα Ιωάννης 15:10· 17:26. Αφού κα διαβάνεν ο κάθε εδάφιος, συζητίνεν ι ερώτηση:
Σαρ μπορίνασα τι σικαβάς αμαρό μανγκιπέ ι Ιεχωβάσκε σαρ ο Ιησούς;
Ο Ιησούς μανγκέλας πι Νταντές, σο ισί κο ουρανός, ντα κερέλας λέσαρ λάφι μπουτ φαρ αντράλ κατά προσευχή
5. Ο Ιησούς πφαμπόλα σαρέ οντουλένγκε σο τθερένα ανάγκη
Ο Ιησούς τσσουβέλας ι γιαβερέν πο οπρέ πέσταρ. Ατζέ-ντα κάνα ισινέ κχινό, ντέλας πι σαατίσταρ ντα πι ζοριάταρ για τι βοηθίνελ ι τζενέν. Διαβάνεν Μάρκος 6:30-44 ντα σοράν συζητίνεν ο ερωτήσεις:
Ανταλέ ιστοριάτε, ντικχέσα σαρ πφαμπόλας ο Ιησούς ι γιαβερένγκε;—Ντικχέν ο εδάφια 31, 34, 41 ντα 42.
Σο τσσίντελας ι Ιησούς τι βοηθίνελ ι τζενέν; —Ντικχέν ο εδάφιος 34.
Αφού ο Ιησούς τθερέλα αζόμ ίδιος χαρακτήρας ι Ιεχωβάσαρ, σο σικλιαρένα-τουτ σαρέ ανταλά ι Ιεχωβάσκε;
Σαρ μπορίνασα τι πφαμπάς ι γιαβερένγκε σαρ ο Ιησούς;
6. Ο Ιησούς ντέλα αντράλ πι γκίσταρ
Ο Ιησούς να τθερέλας μπουτ πράγματα, αλλά ντέλας οντουλένταρ σο τθερέλας κο γιαβερά, ντα βακερντάς τι κεράς-λες αμέν-ντα ανταβά. Διαβάνεν Πράξεις 20:35 ντα σοράν συζητίνεν ι ερώτηση:
Σο κα κερέλ-αμέν ευτυχισμέ, σαρ βακερντάς ο Ιησούς;
Ντικχέν ο ΒΙΝΤΕΟΣ ντα σοράν συζητίνεν ι ερώτηση:
Σαρ μπορίνασα τι ντας κο γιαβερά ατζέ-ντα κάνα να τθεράσα μπουτ πράγματα;
Τζανέας-λες;
Η Γραφή βακερέλα αμένγκε τι προσευχίντιβας κο Ιεχωβά κο ναβ κι Ιησούσκο. (Διαβάνεν Ιωάννης 16:23, 24) Κάνα προσευχίντιβασα αντικάς, σικαβάσα εκτίμηση οντουλένγκε σο κερντάς ο Ιησούς για τι βοηθίνελ-αμέν τι αβάς αμαλά ι Ιεχωβάσαρ.
ΜΕΡΙΚΑ ΤΖΕΝΕ ΒΑΚΕΡΕΝΑ: «Να χάλα ι Ντεβλές ανάγκη οντουλένγκε σο τσσίντασα».
Αφού ο Ιησούς μοιάζελα πι Νταντέστε, σαρ τζανάσα οντουλένταρ σο κερέλας ότι ο Ιεχωβά πφαμπόλα αμένγκε;
ΧΑΝΙΚ ΛΑΦΙΝΤΖΑΡ
Ο Ιησούς μανγκέλα ι Ιεχωβάς ντα ι τζενέν. Αφού ο Ιησούς μοιάζελα πι Νταντέστε, καζόμ πο λατσσές κα σικλιός ι Ιησούς, αζόμ πο λατσσές κα σικλιός ι Ιεχωβάς.
Σο Σικλιλάν;
Σαρ μπορίνασα τι σικαβάς αμαρό μανγκιπέ ι Ιεχωβάσκε σαρ ο Ιησούς;
Σαρ μπορίνασα τι σικαβάς αμαρό μανγκιπέ ι τζενένγκε σαρ ο Ιησούς;
Σο μπεϊντίνεσα πο μπουτ κο χαρακτήρας κι Ιησούσκο;
ΡΟΝΤΕ
Ντικχ μερικά λατσσίματα ι Ιησούσκε σο μπορίνασα τι σικαβάς αμέν-ντα.
«Για τι Μοιάζεν κο Ιησούς, Πρέπει . . . » (Ιησούς—Η Οδός, η Αλήθεια, η Ζωή, σελίδα 317)
Σίκλιουβ σόσκε πρέπει τι προσευχίντιβας κι Ιησούσκο ναβ.
«Σόσκε Πρέπει τι Προσευχίντιβας κι Ιησούσκο Ναβ;» (Η Σκοπιά 1 Φεβρουαρίου 2008)
Βακερέλα η Γραφή σαρ ισινέ ο Ιησούς αβριάλ;
Σο σικλιάσα κατά συμπεριφορά ι Ιησούσκι κο τζουβλιά;
«Σεβασμός ντα Αξία Χάρη κι Ντεβλέσκο Αρακχαϊπέ» (Η Σκοπιά 1 Σεπτεμβρίου 2012)