ΜΑΘΗΜΑΣ 46
Σόσκε Πρέπει τι Αφιερώντιβες ντα τι Μπολντιός;
Η αφιέρωση κο Ιεχωβά αβέλα-πες αντράλ εκχέ προσευχιάταρ σο ντέσα το λάφι λέστε ότι κα ντες λατρεία σάντε λες ντα ότι κα τσσουβές πρώτα τι ζωγιάτε οντουβά σο μανγκέλα βοβ. (Ψαλμός 40:8) Σοράν ανταλέσταρ μπολντιόσα. Ι μπολντιμάσαρ σικαβέσα κο γιαβερά ότι κερντάν αφιέρωση. Η απόφαση τι ντες το λάφι τι τζουβντιός ι Ιεχωβάσκε ισί εκ απόφαση σο κα αλλάνελ σαρί τι ζωή. Σο ισί οντουβά σο μπέκιμ τι τσσίντελ-τουτ τι κερές-λες ανταβά;
1. Σο τσσίντελα εκχέ τζενές τι ντελ πο λάφι τι τζουβντιόλ ι Ιεχωβάσκε;
Ντάσα αμαρό λάφι ότι κα τζουβντιάς ι Ιεχωβάσκε σόσκε μανγκάσα-λες. (1 Ιωάννη 4:10, 19) Η Αγία Γραφή βακερέλα αμένγκε: «Τι μανγκές ι Ιεχωβάς τι Ντεβλές σαρέ τι γκίσαρ ντα σαρέ τι ψυχιάσαρ ντα σαρέ τι γκοντιάσαρ ντα σαρέ τι ζοριάσαρ». (Μάρκος 12:30) Σικαβάσα ότι μανγκάσα ι Ντεβλές όχι σάντε οντουλέντζαρ σο βακεράσα αλλά οντουλέντζαρ σο κεράσα-ντα. Σαρ εκ μουρς ντα εκ τζουβέλ μανγκένα-πες μπουτ ντα παντρίνενα, αντικάς αμέν-ντα επειδή μανγκάσα ι Ιεχωβάς ανταβά τσσίντελα-αμέν τι ντας αμαρό λάφι τι τζουβντιάς λέσκε ντα τι μπολντιάς.
2. Καλά ευλογίες ντέλα ο Ιεχωβά πι μπολντέ Μαρτυρέντε;
Κάνα κα μπολντιός, κα τσσουβές-τουτ αντρέ κι ευτυχισμέ φαμιλί κι Ιεχωβάσκι. Κα αγαβές ότι μανγκέλα-τουτ μπουτέ τροπόντζαρ ντα κα αβές ατζέ πο πασέ λέστε από ό,τι ισινάν ακανά. (Διαβάνεν Μαλαχίας 3:16-18) Κα τθερές εμ ι Ιεχωβάς σαρ Ντατ, αλλά εκ φαμιλί-ντα πφραλέντζαρ ντα πφενίντζαρ σο ισί σαρό κο ντουνιάς ντα μανγκένα εμ Λες εμ τουτ. (Διαβάνεν Μάρκος 10:29, 30) Αλλά, πριν τι μπολντιός πρέπει τι κερές μερικά πράγματα. Πρέπει τι σικλιός ι Ιεχωβάσκε, τι μανγκές-λες ντα τι πακιάς λέσκε Τσσαβέστε. Κο τέλος, πρέπει τι ντες το λάφι τι τζουβντιός ι Ιεχωβάσκε. Άμα κα κερές ανταλά πράγματα ντα σοράν κα μπολντιός, κα τσσουβές-τουτ κο ντρομ κι αιώνιε ζωγιάκο. Ο Λάφι ι Ντεβλέσκο βακερέλα: «Ο μπολντιπέ . . . σώνελα τουμέν-ντα ακανά».—1 Πέτρου 3:21.
ΧΑΝΤΖΟΥΒ ΠΟ ΑΧΟΡΤ
Ντικχ σόσκε ισί σημαντικός τι ντες το λάφι τι τζουβντιός ι Ιεχωβάσκε ντα τι μπολντιός.
3. Σαρέ πρέπει τι τραμπίνας κας κα υπηρετίνας
Κο πουρανό Ισραήλ, μερικά τζενέ πακιάνας ότι μπορίνενας τι ντεν λατρεία εμ κο Ιεχωβά εμ κο ψεύτικος ντεβέλ Βάαλ. Αλλά ο Ιεχωβά μπουτσσαντάς πι προφητής ι Ηλιάς για τι διορθώνελ ανταβά λάθος πράγμας σο πακιάνας. Διαβάνεν 1 Βασιλέων 18:21 ντα σοράν συζητίνεν ι ερώτηση:
Σο έπρεπε τι τραμπίνεν ο Ισραηλίτες;
Σαρ ο Ισραηλίτες, αντικάς αμέν-ντα πρέπει τι τραμπίνας κας κα υπηρετίνας. Διαβάνεν Λουκάς 16:13 ντα σοράν συζητίνεν ο ερωτήσεις:
Σόσκε δεν πρέπει τι ντας λατρεία εμ ι Ιεχωβάς εμ κο είδωλα ή γιαβερέ πραγματέντε;
Σαρ σικαβάσα κο Ιεχωβά ότι τραμπιντάμ τι ντας λατρεία λέστε;
4. Σκέφτινε λατσσές καζόμ μανγκέλα-τουτ ο Ιεχωβά
Ο Ιεχωβά ντινάς-αμέν μπουτ σημαντικά δώρα. Σο μπορίνασα τι ντας-λες αμέν; Ντικχέν ο ΒΙΝΤΕΟΣ.
Καλέ τροπόντζαρ σικαντάς τούκε ο Ιεχωβά ότι μανγκέλα-τουτ; Διαβάνεν Ψαλμός 104:14, 15 ντα 1 Ιωάννη 4:9, 10 ντα σοράν συζητίνεν ο ερωτήσεις:
Κατά δώρα σο ντινάς-αμέν ο Ιεχωβά, καλέσκε νιωθίνεσα τούι πο μπουτ εκτίμηση;
Σαρ κερένα-τουτ τι νιωθίνες ι Ντεβλέσκε ανταλά δώρα;
Κανά λάσα εκ δώρος σο μπεϊντίνασα μπουτ, μανγκάσα τι σικαβάς αμαρί εκτίμηση ι τζενέσκε σο ντινάς-λες αμέντε. Διαβάνεν Δευτερονόμιο 16:17 ντα σοράν συζητίνεν ι ερώτηση:
Κάνα σκεφτίνεσα σαρέ ο πράγματα σο κερντάς τούκε ο Ιεχωβά, σο τσσίντελα-τουτ ανταβά τι κερές;
5. Η αφιέρωση ανέλα μπουτ ευλογίες
Μπουτ τζενέ πακιάνα ότι, άμα κα τθερέν μπαρό ναβ, εκ λατσσί μπουτί ή μπουτ λοβέ, κα αβέν ευτυχισμέ. Ισί αντικάς όμως; Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:
Σαρ ντικχλάμ κο βίντεος, παρόλο σο ο Αντρέι μανγκέλας ι μπάλα, σόσκε μουκχλάς-λα;
Τραμπιντάς τι ντελ πο λάφι τι τζουβντιόλ ι Ιεχωβάσκε, όχι ι μπαλάκε. Πακιάσα ότι λιντάς ι σωστή απόφαση; Σόσκε βακερέσα-λες ανταβά;
Πριν τι αβέλ Χριστιανός, ο απόστολος Παύλος μανγκέλας τι κερέλ μπαρό ναβ. Σπουδαντάς πασέ εκχέ Ιουδαιόστε σο τζανένας-λες μπουτ τζενέ ντα σικλιαρέλας ο νόμος. Αλλά μουκχλάς-λεν σαρέ ανταλά για τι αβέλ Χριστιανός. Μήπως μετανιωσάλο ποτές ο Παύλος; Διαβάνεν Φιλιππησίους 3:8 ντα σοράν συζητίνεν ο ερωτήσεις:
Σόσκε πακιάλας ο Παύλος ότι σο-ντα κερντάς πριν τι αβέλ Χριστιανός ισινέ «σκουπίδια»;
Σο κερδιντάς;
Σο πακιάσα ότι αξίνελα πο μπουτ, τι υπηρετίνες ι Ιεχωβάς ή τι ντες τι ζωή γιαβερέ πραγματέντε;
Κάνα ο Παύλος αβιλό Χριστιανός, κερδιντάς μπουτ πο μπουτ πράγματα οντουλένταρ σο μουκχλάς παλάλ
ΜΕΡΙΚΑ ΤΖΕΝΕ ΒΑΚΕΡΕΝΑ: «Τζανάβα ότι ανταγιά ισί η αλήθεια, αλλά να ισινόμ ατζέκ έτοιμος τι μπολντιάβ».
Τούι, σόσκε πακιάσα ότι ισί λογικός τι ντες το λάφι τι τζουβντιός ι Ιεχωβάσκε;
ΧΑΝΙΚ ΛΑΦΙΝΤΖΑΡ
Επειδή μανγκάσα ι Ιεχωβάς ανταβά τσσίντελα-αμέν τι ντας αμαρό λάφι τι τζουβντιάς λέσκε ντα τι μπολντιάς.
Σο Σικλιλάν;
Σόσκε αξίνελα τι μανγκάς αντράλ αμαρέ γκίσταρ ι Ιεχωβάς ντα τι ντας-λες λατρεία;
Σο ευλογίες ντέλα ο Ιεχωβά πι μπολντέ Μαρτυρέντε;
Κα μανγκέας τι ντες το λάφι τι τζουβντιός ι Ιεχωβάσκε;
ΡΟΝΤΕ
Τσσουβ σημασία σόσκε εκ τζουβέλ ντα εκ μουρς τραμπιντέ τι ντεν πουμαρό λάφι τι τζουβντιόν ι Ιεχωβάσκε.
Ο Τερνέ Πουτσένα—Σο κα Κεράβ μι Ζωγιάσαρ;—Καζόμ Ντικχάβα κο Παρελθόν (6:54)
Ντικχ γιαβερά-ντα λόγους σο μπορεί τι κερέν εκχέ τζενές τι ντελ πο λάφι τι τζουβντιόλ ι Ιεχωβάσκε.
«Σόσκε Πρέπει τι Ντες το Λάφι τι Τζουβντιός ι Ιεχωβάσκε;» (Η Σκοπιά 15 Ιανουαρίου 2010)
Ανταλέ μουσικέ βιντεόστε, ντε σημασία κι χαρά σο τθερένα οντουλά τζενέ σο ντένα πουμαρό λάφι τι τζουβντιόν ι Ιεχωβάσκε.
Κι ιστορία «Για Μπουτ Μπρεσά Πουτσάβας μο Νεαυτός: “Σόσκε Τζουβντιάσα Ατθέ;”» ντικχ σο τσσιντιντάς εκχέ τζουβλιά τι σκεφτίνελ σο ισί πο σημαντικός λάκε ζωγιάτε.