Η Αποκάλυψη κο Ιωάννης

Καζόμ ο απόστολος Ιωάννης ισινέ πφαντό κι φυλακή κο νησίς Πάτμος, ο Ιησούς σικαντάς λέσκε παλάλ γιαβερέστε 16 φαντασίες σο βακερένας σο κα αβέλ-πες κο μέλλον. Ανταλά φαντασίες σικαβένας σαρ κα αγιάντιβελας ι Ιεχωβάσκο ναβ, σαρ κα αβέλας λέσκι Βασιλεία ντα σαρ κα αβέλας λέσκο θέλημας κι πφουβ αντικάς σαρ κα αβέλας-πες κο ουρανός.

Εκχέ φαντασιάτε, ο Ιωάννης ντικχλάς ι Ιεχωβάς τι μπεσέλ οπράλ πι θρονόστε σο ισινέ πφερντό δόξα κο ουρανός, ντα ντονταλάι λέσταρ ισινέ 24 πρεσβύτεροι ιριαντέ παρνέ σεΐντζαρ ντα με χρυσά στέμματα πουμαρέ σορέντε. Κατά θρόνος νικιόνας αστραπές ντα ασούντιβενας μπουμπουνητά. Ο 24 πρεσβύτεροι περένας τελέ κοτσίντζαρ ανγκλάλ κο Ιεχωβά ντα ντένας-λες λατρεία. Εκχέ γιαβερέ φαντασιάτε, ο Ιωάννης ντικχλάς εκ μπαρό πλήθος τζενένγκο σαρέ κατά τθεμά, κατά λαοί ντα κατά τσσιμπά τι ντεν λατρεία ι Ιεχωβάς. Ο Μπρακό, σο ισί ο Ιησούς, αρακχαβέλα-λεν ντα οδηγίνελα-λεν κο πανιά σο ντένα ζωή. Σοράν, εκχέ γιαβερέ φαντασιάτε, ο Ιησούς αρχίνελα τι κερέλ κουμάντος ντα τι αβέλ Βασιλιάς κο ουρανός, γιεκ με το 24 πρεσβύτεροι. Σοράν, ντικχλάς ι Ιησούς τι πολεμίνελ με τον δράκοντα, σο ισί ο Σατανάς, ντα λέσκε δαιμονέντζαρ. Ο Ιησούς νασκιαρντάς-λεν κατά ουρανός ντα φουρτιντάς-λεν κι πφουβ.

Σοράν ο Ιωάννης ντικχλάς κάτι μπουτ σουκάρ, ι Μπρακές ντα ι 144.000 τι μπεσέν κο βες Σιών. Επίσης, ντικχλάς εκχέ αγγελός τι πετάνελ κο ουρανός ντα τι βακερέλ κο τζενέ τι νταρέν ντα τι ντεν δόξα ι Ντεβλές.

Κι γιαβέρ φαντασία, ο Ιωάννης ντικχλάς τι αβέλ ο Αρμαγεδδώνας. Κο πόλεμος ανταβά, ο Ιησούς ντα λέσκο στρατός νικίνενα ι ντουνιάς ι Μπενγκέσκο. Κι τελευταία φαντασία, ο Ιωάννης ντικχλάς ότι κο ουρανός ντα κι πφουβ υπαρχίντιβελα ενότητα. Επίσης ντικχλάς ότι ο Μπενγκ ντα λέσκε προσάγγονα κα καταστραφίντιβεν. Σαρέ κο ουρανός ντα κι πφουβ αγιάνενα ο ναβ ι Ιεχωβάσκο ντα ντένα λατρεία σάντε Λες.