Ο Γαϊδουράκι του Βαλαάμ Κερέλα Λάφι

Ο Ισραηλίτες ισινέ κι έρημος πασέ 40 μπρεσά. Νικιντέας ντα λιντέας μπουτ ζουρανέ πόλεις. Ακανά, καζόμ μπεσένας κο τθανά του Μωάβ ανατολικά κατά Λεν Ιορδάνη, ισινέ ο βακίτι για τι τσσουβέν-πες κο Υποσχεμέ Τθεμ. Ο Βαλάκ, ο βασιλιάς του Μωάβ, νταρέλας ότι κα λένας λέσκο τθεμ. Οντουλέσκε, βακερντάς εκχέ τζενέσκε σο βακερένας λέσκε Βαλαάμ τι αβέλ κο Μωάβ ντα τι ντελ αρμανιά ι Ισραηλιτέν.

Αλλά ο Ιεχωβά βακερντάς κο Βαλαάμ: “Δεν πρέπει τι ντες αρμανιά ι Ισραηλιτέν”. Οτθάρ, ο Βαλαάμ να μανγκλάς τι τζαλ. Ο βασιλιάς Βαλάκ ντινάς-λες βίκος ατζέκ εκ φαρ ντα ντινάς πο λάφι τι ντελ-λες σο-ντα μανγκέλας. Πάλι όμως, ο Βαλαάμ να γκιλό. Αζομάν ο Ντεβέλ βακερντάς λέσκε: “Μπορίνεσα τι τζας, αλλά κα βακερές σάντε οντουβά σο κα βακεράβ τούκε με”.

Ο Βαλαάμ νικλιντάς κο γαϊδουράκι ντα αρχιντάς τι τζαλ νότια κάρινγκ κο Μωάβ. Τθερέλας πι γκοντιάτε τι ντελ αρμανιά ι Ισραηλιτέν, παρόλο σο ο Ιεχωβά βακερντάας λέσκε μα τι κερέλ-λες. Ο άγγελος ι Ιεχωβάσκο σικαντάς-πες κο ντρομ τριν φαρ. Ο Βαλαάμ να μπορίνελας τι ντικχέλ ι αγγελός, αλλά λέσκο γαϊδουράκι ντικχέλας-λες. Ι πρώτη φαρ, ο γαϊδουράκι νικίστιλο κατά ντρομ ντα ντινάς εκχέ χωραφίστε. Σοράν γκιλό μπουτ πασέ εκχέ ντουβαρίστε σο ισινέ κερντό μπαρέντζαρ ντα αστάρντιλο ο πιντρό του Βαλαάμ. Σοράν, ο γαϊδουράκι μπεσλό τελέ κο μασκάρ κο ντρομ. Κάθε φαρ, ο Βαλαάμ νταπέλας ο γαϊδουράκι εκχέ καστέσαρ.

Ανταβά αβιλό τριν φαρ ντα σοράν ο Ιεχωβά κερντάς ο γαϊδουράκι τι κερέλ λάφι. Ο γαϊδουράκι πουτσλάς τον Βαλαάμ: “Σόσκε νταπέσα-μαν;” Ο Βαλαάμ βακερντάς: “Κερντάν-μαν λατζαμάσκε. Άμα κα τθεράβας εκ τσσουρί κα μουνταράβας-τουτ”. Ο γαϊδουράκι βακερντάς: “Βάνταβα-τουτ αζόμ μπρεσά. Τθεράβα-λες κερντό τούκε πάλι ανταβά;”

Αζομάν ο Ιεχωβά κερντάς τον Βαλαάμ τι ντικχέλ ι αγγελός. Ο άγγελος βακερντάς: “Ο Ιεχωβά βακερντάς τούκε μα τι ντες αρμανιά ι Ισραηλιτέν”. Αζομάν, ο Βαλαάμ βακερντάς: “Κερντόμ λάθος. Κα τζαβ μάνγκε κχερέ”. Αλλά ο άγγελος βακερντάς: “Μπορίνεσα τι τζας κο Μωάβ, αλλά κα βακερές σάντε οντουβά σο κα βακερέλ τούκε ο Ιεχωβά”.

Λιντάς ο Βαλαάμ πο μάθημας; Όχι. Κάνα γκιλό οτθέ ο Βαλαάμ προσπαθιντάς τι ντελ αρμανιά ι Ισραηλιτέν τριν φαρ, αλλά ο Ιεχωβά κάθε φαρ κερέλας-λες τι ντελ-λεν ζαμ. Σοράν ανταλέσταρ, ο Ισραηλίτες γκιλέ τι πολεμίνεν τον Μωάβ, ντα ο Βαλαάμ μουντάρντιλο. Να κα αβέλας πο λατσσό τι ασουνέλας ο Βαλαάμ ι Ιεχωβάς;