Σο κα Ντικχάς κο Μέρος 6

Κάνα ο Ισραηλίτες ερεσλέ κο Υποσχεμέ Τθεμ, η αληθινή λατρεία ντιντιόλας κι σκηνή της μαρτυρίας. Ο ιερείς σικλιαρένας ο Νόμος ντα ο κριτές οδηγίνενας ι λαός. Ανταβά μέρος σικαβέλα καζόμ μπουτ επηρεάνενα ι γιαβερέν ο αποφάσεις σο λέλα ντα ο πράγματα σο κερέλα εκ τζενό. Κάθε Ισραηλίτης τθερέλας ι ευθύνη τι αβέλ αφοσιωμέ κο Ιεχωβά ντα κο γιαβερά Ισραηλίτες. Τι τονίνες σαρ η Δεββώρα, η Ναομί, ο Ιησούς του Ναυή, η Άννα, η τσσάι του Ιεφθάε ντα ο Σαμουήλ επηρεάνενας ι γιαβερέ Ισραηλιτέν. Τι σικαβές επίσης ότι ατζέ-ντα κάποια τζενέ σο να ισινέ Ισραηλίτες, σαρ η Ραάβ, η Ρουθ, η Ιαήλ ντα ο Γαβαωνίτες, αποφασιντέ τι αβέν ι Ισραηλιτέντζαρ επειδή τζανένας ότι ο Ντεβέλ ισινέ λέντζαρ.