Ο Ιεχωβά Υπερασπίνελα τον Ιωσαφάτ

Ο Ιωσαφάτ, ο βασιλιάς κο Ιούδας, καταστραφιντάς ο θυσιαστήρια ντα ο είδωλα του Βάαλ σαρό κο τθεμ. Μανγκέλας τι σικλιόλ ο λαός ο νόμοι ι Ιεχωβάσκε. Οτθάρ, μπουτσσαντάς τζενέν σο κερένας κουμάντος ντα Λευιτέν σαρό κο Ιούδας για τι σικλιαρέν ι λαός ο νόμοι ι Ιεχωβάσκε.

Ο τθεμά σο ισινέ πασέ κο Ιούδας νταρένας τι κερέν πόλεμος λέσαρ σόσκε τζανένας ότι ο Ιεχωβά ισινέ πι λαόσαρ. Ντα γκερντέ δώρα κο βασιλιάς Ιωσαφάτ. Αζομάν όμως, ο Μωαβίτες, ο Αμμωνίτες ντα οντουλά σο ισινέ κατά τθεμ Σηείρ γκιλέ τι κερέν πόλεμος ι Ιουδάσαρ. Ο Ιωσαφάτ τζανέλας ότι χρειαζίντιβελας ι βοήθεια ι Ιεχωβάσκι. Γκιντιντάς σαρέ ι μουρσέν, ι τζουβλίν, ι τσσαβέν ντα ι τσσαΐν κι Ιερουσαλήμ. Ντα ανγκλάλ σαριλέντε κερντάς προσευχή ντα βακερντάς: “Ιεχωβά, χωρίς τούσαρ ναστί νικίνασα. Μολίνασα-τουτ, βάκερ αμένγκε σο τι κεράς”.

Ο Ιεχωβά απαντιντάς κι προσευχή ακαλέ λαφίντζαρ: “Μα νταρέν. Με κα βοηθίναβ-τουμέν. Λεν τουμαρί θέση, ατσσόν ντα ντικχέν σαρ κα σώναβ-τουμέν”. Σαρ σωντάς-λεν ο Ιεχωβά;

Ο γιαβέρ ντιβές, ο Ιωσαφάτ τραμπιντάς τζενέν σο γκιλιαβένας ο ύμνοι ντα βακερντάς λένγκε τι πφιρέν ανγκλάλ κατά στρατός. Βον πφιρντέ κατά Ιερουσαλήμ μέχρι οτθέ σο κα αβέλας ο πόλεμος, εκχέ τθανέστε σο βακέρντιβελας Θεκωέ.

Καζόμ ο τζενέ σο βακερένας ο ύμνοι γκιλιαβένας χαρούμενα με ζουρανί φωνή για τι ντεν δόξα ι Ιεχωβάς, ο Ιεχωβά πολεμιντάς λένγκε. Κερντάς ι Αμμωνιτέν ντα ι Μωαβιτέν τι μπερδίντιβεν αζόμ μπουτ σο αρχισάλε τι χαν-πες ο εκ ι γιαβερέσαρ, ντα σαρέ μουλέ. Αλλά ο Ιεχωβά αρακχαντάς ι λαός κατά Ιούδας, ι στρατιωτέν ντα ι ιερεόν. Σαρέ οντουλά σο μπεσένας οτθέ πασέ ασουντέ σο κερντάας ο Ιεχωβά ντα τζανένας ότι υπερασπίνελας ατζέ πι λαός. Σαρ σώνελα ο Ιεχωβά πι λαός; Μπουτέ τροπόντζαρ. Να χρειαζίντιβελα βοήθεια κατά τζενέ για τι κερέλ-λες ανταβά.