Ο Πύργος κι Βαβέλ

Σοράν κατά Κατακλυσμός ο τσσαβέ σο τθερέλας ο Νώε κερντέ μπουτέ τσσαβέν πουμαρέ ρομνίντζαρ. Λένγκε φαμιλιά μπαριλέ, ντα αρχισάλε τι τζαν γιαβερέ-ντα τθανέντε οπράλ κι πφουβ, ντιπ αντικάς σαρ βακερντάας λένγκε ο Ιεχωβά.

Αλλά μερικά φαμιλιά να ντινέ καν κο Ιεχωβά. Βακερντέ: “Ελάν τι χτίνας εκ πόλη ντα τι μπεσάς ατθέ. Κα κεράς εκ μπουτ βουτσσό πύργος σο κα ερεσέλ μέχρι κο ουρανός. Αντικάς, κα μουκχάς νάμι”.

Ο Ιεχωβά να χαιρισάλο οντουλέσαρ σο κερντέ οντουλά τζενέ, οτθάρ αποφασιντάς τι τσσιναβέλ-λεν. Τζανέσα σαρ; Ξαφνικά, κερντάς-λεν τι κερέν λάφι διαφορετικά τσσιμπά. Αφού ναστί αγαβένας ι τσσιπ ο εκ ι γιαβερέσκι, τσσιναντέ τι χτίνεν. Η πόλη σο χτίνενας αβιλί γνωστή σαρ Βαβέλ, σο μανγκέλα τι βακερέλ ότι κάτι «ισί μπερδεμέ». Ο τζενέ νασένας οτθάρ ντα τζανάς τι τζουβντιόν γιαβερέ τθανέντε σαρί κι πφουβ. Αλλά συνεχίνενας τι κερέν γκεραλέ πράγματα κο νεβέ τθανά σο γκιλέας τι τζουβντιόν. Άραγες ισινέ τζενέ σο μανγκένας ατζέ ι Ιεχωβάς; Κα ντικχάς κο γιαβέρ κεφάλαιος.