Ο Μπέτι Αποτελέσματα σο Ανέλα ο Πόλεμος

«Συνέχεια ντικχέσα τζενέν τι μερέν ή τι αβέν ντινέ μπουτ σοβαρά. Νιωθίνεσα συνέχεια νταρ ντα να τζανέσα σο τι κερές».​—Γκάρι, Βρετανία.

«Ντινέ-μαν με σφαίρες κι πλάτη ντα κο μούι ντα ντικχλόμ μπουτέ τζενέν τι μερέν, εμ χουρντέν εμ πφουρέν. Ο πόλεμος κερέλα το γκι τι αβέλ σαρ εκ μπαρ».​—Γουίλμαρ, Κολομβία.

«Κάνα ανγκλάλ τι γιακχίντε ντένα εκχέ τζενές με όπλος, ανταβά ναστί νικιόλα τι γκοντιάταρ. Συνέχεια αβέλα τι γκοντιάτε η φωνή ντα η ντουκχ οντουλέ τζενέσκι. Σαρί τι ζωή ναστί μπορίνεσα τι μπιστρές οντουλέ τζενές».​—Ζαφίρα, Αμερική.

«Νιωσάλομ ότι ποτές ξανά να κα μπορίναβας τι αρακχάβ μι χαρά. Νταρέσα τι ζωγιάκε, αλλά ατζέ πο μπουτ νταρέσα μα τι μουνταρέν τι τζενέν ντα τι αμαλέν».​—Αλεξάντρα, Ουκρανία.

«Ισί τρομακτικός τι μπεσές μέχρι τι αβέλ τι σειρά για τι λες χαμπέ από της 2:00 ιράτ μέχρι 11:00 κο μεσημέρι ντα σαρό ανταβά σαάτι τι νταρές μα τι ντελ-τουτ καέκ σφαίρα».​—Ντάλερ, Τατζικιστάν.

«Ιτιρί κατά πόλεμος χασαρντόμ μι νταντές ντα μι νταγιά. Ατσσιλόμ κορκορί ντα να τθεράβας καεκχές τι ντελ-μαν παρηγοριά ντα τι φροντίνελ-μαν».​—Μαρί, Ρουάντα.