Σόσκε Υπαρχίντιβενα Ατζέ Πόλεμοι;

ΑΜΑΡΤΙΑ

Ο Ντεβέλ κερντάς αμαρέ πρώτε νταντές ντα νταγιά, τον Αδάμ ντα την Εύα, τι μοιάζεν λέστε. (Γένεση 1:27) Ανταβά μανγκέλα τι βακερέλ ότι κα νικιόλας λένταρ τι σικαβέν λέσκε ιδιότητες, σαρ ισί η ειρήνη ντα η αγάπη. (1 Κορινθίους 14:33· 1 Ιωάννη 4:8) Όμως, ο Αδάμ ντα η Εύα να ασουντέ ι Ντεβλές ντα κερντέ αμαρτία. Οτθάρ, σαρέ αμέν λιντάμ ι αμαρτία ντα ο μεριπέ. (Ρωμαίους 5:12) Ανταγιά αμαρτία τσσίντελα-αμέν τι κεράς μπέτι σκέψεις ντα οτθάρ αβένα-πες μπέτι πράγματα.​—Γένεση 6:5· Μάρκος 7:21, 22.

ΤΖΕΝΕΝΓΚΕ ΚΥΒΕΡΝΗΣΕΙΣ

Ο Ντεβέλ να κερντάς-αμέν τι τθεράς ι ικανότητα τι κεράς κουμάντος αμαρό νεαυτός. Η Αγία Γραφή βακερέλα: «Ο τζενό σο πφιρέλα να τθερέλα ο δικαίωμας τι αποφασίνελ κορκορό κατέ κα τζαλ». (Ιερεμίας 10:23) Ανταλέσκε, ι τζενένγκε κυβερνήσεις ναστί νασκιαρένα για πάντα ο πόλεμος ντα ι βία.

Ο ΜΠΕΝΓΚ ΝΤΑ ΛΕΣΚΕ ΔΑΙΜΟΝΕΣ

Η Αγία Γραφή βακερέλα ότι «σαρό ο ντουνιάς ισί κο βαστά κι Μπενγκέσκε». (1 Ιωάννη 5:19) Ο Μπενγκ ισί εκ πφιρνό δολοφόνος. (Ιωάννης 8:44) Βοβ ντα λέσκε δαίμονες, σο ναστί ντικχάσα-λεν, επηρεάνενα ι τζενέν για τι κερέν πόλεμοι ντα τι αβέν βίαιοι.​—Αποκάλυψη 12:9, 12.